19.12.2025 | 15:58
Մինչև տարեվերջ նախատեսվում է ապամոնտաժել Սևանա լճի ափամերձ տարածքներում տարբեր անձանց պատկանող 10 կառույց
Տուգանել են Սամվել Ալեքսանյանի կնոջը
Հասարակություն
01.04.2024 | 19:12
Գործարար Շողերինա Մկրտչյանին Երևանի քաղաքապետարանը տուգանել է 1,5 մլն դրամով՝ թույլ տված խախտումների համար։ Այս մասին Factor.am-ի հարցմանն ի պատասխան տեղեկացրեց քաղաքապետարանի մամուլի խոսնակ Հայկ Կոստանյանը։
Նշենք, որ Շողերինա Մկրտչյանը խոշոր գործարար, ՀՀԿ խմբակցության նախկին անդամ Սամվել Ալեքսանյանի կինն է։
Ավելի վաղ Factor.am-ը տեղեկացրել էր, որ Շողերինա Մկրտչյանին պատկանող հսկայական տարածքը, որը գտնվում է Աջափնյակ վարչական շրջանի Չաուշի 4/2 հասցեում, ցանկապատվել է՝ առանց համապատասխան թույլտվության։
Քաղաքապետարանի աշխատակազմի քաղաքաշինության և հողի վերահսկողության վարչության պետի պաշտոնակատար Ռուբեն Խոջայանը Factor TV-ի հետ զրույցում նշել էր, որ տարածքը պատկանում է Շողերինա Մկրտչյանին, սեփականատերն իրավունք ուներ ցանկապատել, բայց միայն քաղաքապետարանի համապատասխան թույլտվությամբ, ինչը, սակայն, շրջանցվել է։
Նարեկ Կիրակոսյան
