03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Իսրայելում հակակառավարական բողոքի ցույցեր են տեղի ունեցել
Քաղաքականություն
31.03.2024 | 15:10
Իսրայելում մարտի 30-ին զանգվածային բողոքի ցույցեր են տեղի ունեցել վարչապետ Բենիամին Նեթանյահուի գլխավորած կառավարության քաղաքականության դեմ․ գրում է DW-ն։
Թել Ավիվում հազարավոր ցուցարարներ պահանջել են արտահերթ ընտրություններ և վերադարձնել տուն ՀԱՄԱՍ-ի կողմից գերևարված բոլոր պատանդներին։
Բողոքի ակցիայի մասնակիցների և ոստիկանների միջև բախումներից հետո բերման է ենթարկվել 16 մարդ, ոստիկանությունը նաև ջրցան մեքենաներ է կիրառել Այալոն մայրուղու երթեւեկությունը փակած ցուցարարների դեմ։
«Անմիջապես նրանց տուն բերեք» կարգախոսով նման ակցիաներ անցկացվել են նաև Իսրայելի այլ քաղաքներում, այդ թվում՝ Երուսաղեմում, որտեղ ցուցարարները փորձել են ճեղքել Նեթանյահուի նստավայրի մոտ կանգնած ոստիկանական շղթան։
Իսրայելի ռազմական հետախուզության նախկին ղեկավար, գեներալ Ամոս Մալկան Կեսարիայում մասնակցել է բողոքի ակցիային՝ կոչ անելով Նեթանյահուին հրաժարական տալ։
