15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
ՌԴ-ում դատարաններն Ուզբեկստանի և Տաջիկստանի քաղաքացիների են ձերբակալել՝ «Կրոկուս»-ի ահաբեկչությունն արդարացնելու համար
Քաղաքականություն
29.03.2024 | 19:50
ՌԴ Ռուբցովսկի քաղաքային դատարանը երկու ամսով ձերբակալել է Ուզբեկստանի 31-ամյա քաղաքացուն՝ «Կրոկուս» համերգասրահում իրականացված ահաբեկչությունն արդարացնելու գործով (Քրեական օրենսգրքի 205.2-րդ հոդվածի 2-րդ մաս), հայտնում է Ալթայի երկրամասի դատարանների միասնական մամուլի ծառայությունը, գրում է Current Time-ը։
Գործի նյութերի համաձայն՝ մարտի 24-ին մի տղամարդ խանութներից մեկում հրապարակավ խոսել է «Կրոկուս սիթի հոլլ»-ում տեղի ունեցած ահաբեկչության մասին։ Հետաքննությունը նրա խոսքերը համարել է ահաբեկչությունն արդարացնող։ Թե կոնկրետ ինչ է ասել ձերբակալվածը, չի հաղորդվում։
Դատարանը նշել է, որ որպես խափանման միջոց է ընտրվել կալանքը՝ հաշվի առնելով միջին ծանրության հանցագործության մեղադրանքը, մշտական բնակության և հաշվառման վայր չունեցող մեղադրյալի ինքնությունը, ինչպես նաև օրինական եկամտի աղբյուր չունենալը։
Սանկտ Պետերբուրգի Վիբորգի շրջանային դատարանն էլ նմանատիպ գործով երկու ամսով կալանավորել է Տաջիկստանի 26-ամյա քաղաքացի Բախոդուր Զուխուրովին։ Ըստ քննիչների՝ Զուխուրովը մեկնաբանություններ է հրապարակել «Սանկտ Պետերբուրգ, եկեք հաղորդակցվենք/Յանդեքս Ֆուդ» Telegram չաթում՝ արդարացնելով «Կրոկուս»-ում տեղի ունեցած ահաբեկչությունը։
