13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Տաջիկստանում 9 մարդ է ձերբակալվել, որոնք կասկածվում են «Կրոկուս»-ի վրա հարձակվողների հետ կապերի մեջ
Քաղաքականություն
29.03.2024 | 15:46
Տաջիկստանում առնվազն 9 մարդ է ձերբակալվել մերձմոսկովյան «Կրոկուս սիթի հոլլ»-ի վրա հարձակման մասնակիցների հետ հնարավոր կապերի կասկածանքով։ Այս մասին հայտնում են ՌԻԱ Նովոստին, Reuters-ը և Asia-Plus-ը՝ հղում անելով Տաջիկստանի հետախուզական ծառայությունների աղբյուրներին, փոխանցում է BBC-ի ռուսական ծառայությունը։
Reuters-ի տվյալներով՝ բոլոր ձերբակալվածները Վահդատ քաղաքի բնակիչներ են, նրանք տեղափոխվել են Դուշանբե։ ՌԻԱ Նովոստին էլ պնդում է, որ նրանք, ի թիվս այլնի, կասկածվում են արգելված ԻԼԻՊ խմբավորման հետ կապեր ունենալու մեջ։
Հարձակման գործով կալանավորվածներից 7-ը Տաջիկստանից են, ութերորդը՝ Ղրղզստանից։
Ավելի վաղ էլ ՌԻԱ Նովոստին, հղում անելով իր աղբյուրներին, հայտնել էր, որ Դուշանբեում քննչական միջոցառումներ են իրականացվում «Կրոկուս»-ում տեղի ունեցած հարձակման գործով մեղադրյալների հարազատների հետ։
