15.12.2025 | 11:49
Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար. Կալաս
ՀՀ-ն պարտավոր է խորքային բարեփոխումներ անել ներքին կյանքում եվրաինտեգրման քաղաքականությանը զուգահեռ․ Լևոն Բարսեղյան․ ՏԵՍԱՆՅՈՒԹ
Քաղաքականություն
28.03.2024 | 12:45
Հայաստանի իշխանությունները պարտավոր են վճռական և հետևողական քայլեր ձեռնարկել իրական եվրաինտեգրման համար։ ԵՄ-ին Հայաստանի անդամակցության հեռանկարներին նվիրված քննարկման ժամանակ նշեց ժուռնալիստների «Ասպարեզ» ակումբի խորհրդի նախագահ Լևոն Բարսեղյանը։
«Կարծում եմ, որ Հայաստանը քաղաքակրթական որևէ այլընտրանք չունի։ Աշխարհն իսկապես չունի այն առաջարկությունները, բացի այս մեկից, որտեղ Հայաստանը կարող է իսկապես զարգացման հեռանկար ունենալ»,- շեշտեց նա։
Ըստ նրա՝ անցած տարիների իրադարձությունները մեր երկրին, իշխանություններին հասցրել են մի տեղ, որտեղից հետդարձի ճանապարհը շատ ավելի բարդ է, քան առաջ գնալը։
«Կարծում եմ՝ այս կամքը, որը դրսևորել է Եվրամիությունը, աննախադեպ է իսկապես։ Հույս ունեմ, որ իշխանությունների սրտով է, և բոլորովին չէի ուզի տեսնել այնպիսի իշխանություն, որը կշարունակել խարխափել, զիգզագներ անել։ Այս իմաստով շատ կարևոր է քաղհասարակության, քաղաքական ուժերի հետևողական ճնշումները իշխանությունների վրա»,- հավելեց Բարսեղյանը։
Մանրամասները՝ տեսանյութում։
