15.09.2026 | 13:02
Պապիկյանն աշխատանքային այցով ժամանել է Պեկին
2024 թվականին ՀԱՊԿ-ը 7 վարժանք կանցկացնի
Քաղաքականություն
28.03.2024 | 11:53
Հավաքական անվտանգության պայմանագրի կազմակերպությունը (ՀԱՊԿ) այս տարի կանցկացնի յոթ զորավարժություն, այդ թվում՝ համատեղ «Ռուբեժ-2024»-ը, հայտնել է ՀԱՊԿ գլխավոր քարտուղար Իմանգալի Թասմագամբետովը, գրում է ՏԱՍՍ-ը։
«Ծրագրված է անցկացնել ՀԱՊԿ անդամ երկրների միացյալ շտաբի, քարտուղարության և շահագրգիռ նախարարությունների ու գերատեսչությունների ռազմավարական հրամանատարաշտաբային պատրաստություն, «Փոխգործակցություն – 2024», «Անխորտակելի եղբայրություն – 2024» հրամանատարաշտաբային վարժանքներ, «Որոնում – 2024» հատուկ վարժանքներ, նախատեսվում են «Էշելոն-2024», «Սկալա-2024», «Կոբալտ-2024», «Ռուբեժ-2024» համատեղ վարժանքներ Ղազախստանի, Ղրղզստանի, Տաջիկստանի և Ռուսաստանի տարածքում։ Սրանք վարժանքների արդեն իսկ հաստատված ձևաչափեր են՝ կազմակերպության աշխատանքի առանցքային ոլորտների իրականացման շրջանակներում»,- ասել է Թասմագամբետովը National Defense ամսագրին տված հարցազրույցում։
Նրա խոսքով, այդ տարածքներում բոլոր գործողությունները կիրականացվեն 2024 թվականի համար հրամանատարա-վերահսկիչ մարմինների և հավաքական անվտանգության համակարգի ուժերի ու միջոցների համատեղ պատրաստության պլանի համաձայն:
Հիշեցնենք՝ ՀՀ-ն հրաժարվել է մասնակցել ՀԱՊԿ-ի վերջին մի քանի զորավարժություններին։
