25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Մենք «Զանգեզուրի միջանցք» տերմինը չենք օգտագործում, մենք խոսում ենք երթուղու մասին․ Զախարովա. ՏԵՍԱՆՅՈՒԹ
Քաղաքականություն
27.03.2024 | 19:03
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ ուշադրություն է հրավիրել այն հանգամանքի վրա, որ ՌԴ-ն խոսում է ոչ թե, այսպես կոչված, «Զանգեզուրի միջանցքի», այլ երթուղու մասին։ Նա նաև նշել է, որ անկլավների հարցը պետք է լուծել սահմանազատման հարցերով երկկողմ հանձնաժողովի շրջանակում։
«Մենք, մեր հերթին, պատրաստ ենք առավելագույն աջակցություն ցուցաբերել այդ գործին՝ հաշվի առնելով Ռուսաստանին հասանելի եզակի քարտեզագրական նյութերն ու փորձաքննությունը։ Համանման սկզբունքներ կիրառելի են նաև Հայաստանի և Ադրբեջանի միջև տրանսպորտային հաղորդակցությունների ապաշրջափակման դեպքում։ Ձեր ուշադրությունն ենք հրավիրում, որ մենք չենք կիրառում Զանգեզուրի միջանցք տերմինը, մենք խոսում ենք երթուղու մասին, որը Հայաստանի Սյունիքի մարզի տարածքով կապում է Ադրբեջանի արևմտյան շրջանները Նախիջևանի հետ»,- ասել է նա։
Մանրամասները՝ տեսանյութում։
