07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Գնդակոծությունների ֆոնին Բելգորոդից 2800 երեխա է տարհանվել
Քաղաքականություն
27.03.2024 | 15:41
Բելգորոդի մարզի նահանգապետ Վյաչեսլավ Գլադկովը հայտնել է մարզից 2800 երեխաների տարհանման մասին, իսկ մինչև շաբաթվա վերջ ՌԴ այլ շրջանների ճամբարներ կուղարկվեն, ընդհանուր առմամբ, 9000 երեխաներ, գրում է «Կարևոր պատմություններ» տելեգրամ-ալիքը։
Գլադկովի խոսքով՝ մի քանի շրջաններ արդեն ընդունել են երեխաներին։
«Կալուգա, Պենզա, Տամբով, Աստրախան, Սամարա. երեխաներն արդեն այնտեղ են: Երեկ արդեն հասել են Մոսկվայի մարզ, Կրասնոդարի երկրամաս»,- նշել է նա։
Նահանգապետը մարտի 19-ին հայտարարել է երեխաներին Բելգորոդ քաղաքից, Բելգորոդի, Շեբեկինսկի և Գրայվորոնսկի շրջաններից դուրս բերելու մասին՝ Ուկրաինայի կողմից հրետակոծությունների ֆոնին։
Այս տարվա մարտին Ուկրաինայի կողմից Բելգորոդի շրջանի հրետակոծության ինտենսիվությունը զգալիորեն աճել է։ Այս ֆոնին՝ իշխանությունները սկսել են բնակիչներին ժամանակավորապես տարհանել շրջանից։
Ուկրաինական կողմը չի մեկնաբանում Բելգորոդի գնդակոծությունները։
