ՌԴ-ում «Ինչո՞ւ «Կրոկուս»-ը, ոչ թե Կրեմլը» գրառման հեղինակին ձերբակալել են օդանավակայանում՝ Երևան ուղևորվելիս

Սանկտ Պետերբուրգի «Նոր Հոլանդիա» արվեստի կենտրոնի գլխավոր տնօրեն Ռոքսանա Շատունովսկայայի ամուսինը՝ Նիկոլայ Կոնաշենոկը՝ «Կրոկուս»-ում տեղի ունեցած ահաբեկչության մասին հայտարարություններ է արել, որոնք հանգեցրել են նրա ձերբակալության, գրում է Meduza-ն։

«Ինչո՞ւ «Կրոկուս»-ը, ոչ թե Կրեմլը»,- մայիսի 24-ին գրել է Կոնաշենոկը։

«Պիկնիկը հրեշավոր խումբ է, սակայն, ամեն դեպքում, փոքր է, եթե լիներ Брат-2-ի համերգը»,- նշվում է նրա երկրորդ գրառման մեջ։

Նրա ծանոթները նշել են, որ Կոնաշենոկը միշտ փորձել է ուշադրություն գրավել իր վրա և «այդ մասին լուրջ չի գրել»։

Ավելի ուշ նա ջնջել է իր հաղորդագրությունները, բայց մինչ այդ նկատել են իշխանամետ տելեգրամ-ալիքները։ Վերջինները գրել են, որ Կոնաշենոկը «Նոր Հոլանդիայի» տնօրենի ամուսինն է, նաև պնդել են, թե նա, առնչություն ունի նաև արվեստի տարածքի աշխատանքի հետ։ Սկանդալի ֆոնին Շատունովսկայան մարտի 25-ի կեսօրին Instagram-ում գրել է, որ հեռանում է «Նոր Հոլանդիայի» գլխավոր տնօրենի պաշտոնից, նաև նշել, որ Կոնաշենոկը երբեք չի աշխատել նախագծում։

Շատունովսկայան ընդգծել է, որ ինքը «չի պաշտպանում կամ դատապարտում» ամուսնու ասածը և ամբողջ սրտով ցավակցում է ահաբեկչության զոհերին, բայց «մնում է իր ընտանիքի հետ»։

Ինքը՝ Կոնաշենոկը, մարտի 25-ի երեկոյան ձերբակալվել է Պուլկովո օդանավակայանում, որտեղից պատրաստվում էր թռչել Երևան։

Սանկտ Պետերբուրգի ՆԳՆ մամուլի ծառայությունը հայտնել է, որ ձերբակալվածի գրառումները պարունակում են «ծայրահեղականության նշաններով հայտարարություններ», և քրեական գործ հարուցելու հարցը որոշվում է։ Ոստիկանությունը նաև տեսանյութ է հրապարակել, որտեղ տղամարդը ներողություն է խնդրում տեսախցիկի առաջ։

«Ներողությունն եմ խնդրում, ես չեմ աջակցում ահաբեկչությանը։ Կատարվել է հրեշավոր հանցագործություն, որի համար մենք բոլորս սգում ենք»,- նշել է Կոնաշենոկը։