08.05.2024 | 16:23
Սանոսյանն ու ՀՀ-ում Բրազիլիայի դեսպանը քննարկել են էներգետիկ ոլորտի վերաբերյալ հարցեր
«Կրոկուս Սիթի Հոլ»-ում տեղի ունեցած ահաբեկչության հետևանքով մարդկային կորուստների թիվը հասել է 137-ի
Քաղաքականություն
24.03.2024 | 21:51
«Կրոկուս Սիթի Հոլ»-ում տեղի ունեցած ահաբեկչության հետևանքով զոհերի թիվը հասել է 137-ի, նրանցից երեքը երեխաներ են։ Այս մասին հայտնել է ՌԴ Քննչական կոմիտեն. փոխանցում է DW-ն։
Ըստ առողջապահության նախարարության տվյալների՝ տուժել է 180 մարդ։ 142 մարդ հոսպիտալացվել է, 32-ը դուրս է գրվել, 38 տուժածի ցուցաբերվել է ամբուլատոր օգնություն։
ՌԴ Քննչական կոմիտեի հաղորդագրության մեջ նշվում է, որ մինչ օրս 62 դի է ճանաչվել։ Մյուսների դեպքում գենետիկ հետազոտություն կանցկացվի։
Քննիչները նշում են, որ ահաբեկչության վայրից առգրավել են «Կալաշնիկով» երկու ինքնաձիգ, չորս մարտական զինամթերք և ավելի քան 500 փամփուշտ, ականապատման հետքեր չեն հայտնաբերվել։
Հիշեցնենք, որ մերձմոսկովյան «Կրոկուս Սիթի Հոլում», որտեղ պետք է կայանար «Պիկնիկ» խմբի համերգը, զինված անձինք կրակել են այնտեղ գտնվող մարդկանց վրա և հրդեհել տարածքը։
ՌԴ Անվտանգության խորհրդի փոխնախագահ Դմիտրի Մեդվեդևն այսօր հայտարարել էր, որ բոլոր ներգրավվածները՝ անկախ ծագման երկրից և կարգավիճակից, այսուհետ ՌԴ օրինական և հիմնական թիրախն են։
