Եկել էին սադրելու․ Զարեհ Սինանյանը՝ Ցյուրիխում տեղի ունեցած միջադեպի մասին․ ՏԵՍԱՆՅՈՒԹ

Սփյուռքի գործերով հանձնակատար Զարեհ Սինանյանն իր և Ցյուրիխում սփյուռքահայի միջև տեղի ունեցածը սադրանք է համարում։  Factor TV-ի հետ զրույցում նա պատմեց․ 

«Մեր հայրանակիցն Արցախի դրոշն էր բռնել, ես գովեցի նրան և ասեցի, որ հաջորդ անգամ Հայաստանի դրոշն էլ պետք է բերել, և դրանից նա վրդովվեց։ Ես Արցախի դրոշից չեմ վրդովվել, ես իրենց պես կոմպլեքս չունեմ։ Այդ մարդը վերջում ասեց՝ ես հների հետ կապ չունեմ, բայց գնացեք և տեսեք՝ թե նա քանի հարցազրույց է տվել ընդդիմադիր լրտվամիջոցներից մեկին։ Սադրելու դասական ոճն էին ընտրել, նույնիսկ ֆանտազիա էլ չունեն, որ նոր ստեղծարար գաղափար մտածեին։ Միշտ մենք գնում ենք հանդիպման, մարդիկ հավաքում են և փորձում են ինչ-որ օգտակար բան անել, սակայն, հայտնվում է ինչ-որ մեկը՝ խուլիգանական ակտ ացնկացնելու համար»։

Զարեհ Սինյանի համոզմամբ՝ Հայաստանի պետականության  դեմ արշավ է տեղի ունենում, որն  ուղղորդվում է այլ պետության կողմից։ Իսկ թե որ պետության կողմից է ՝ Սփյուռքի գործերով հանձնակատարն այդպես էլ փակագծեր չբացեց։

Հիշեցնենք, որ Սինանյանի ցյուրխյան այցի ընթացքում տեղի ունեցած միջադեպի տեսագրությունը տարածվել էր սոցցանցերում։ Մի քանի վայրկյան տևողությամբ տեսանյութում երևում է, որ մի քաղաքացի, ծածանելով Արցախի դրոշը, Զարեհ Սինանյանին ասում է՝ «Արցախը Հայաստան է և վերջ», իսկ հիմա ասում են «Արցախն Ադրբեջան է և վերջ»։ Սինանյանն իր հերթին Արցախի դրոշն ուսերին գցած սփյուռքահային ասում է՝ «մերժված» և «30 տարի չընտրված իշխանության ներկայացուցիչ»։