08.12.2025 | 15:55
Վարդենիսում զինծառայող է մահացել․ ՀՀ ՊՆ
Վրաստանում տուգանվել են այն ռեստորանները, որոնք հաճախորդներին սպասարկում են միայն ռուսերենով
Քաղաքականություն
21.03.2024 | 22:54
Բաթումիում վեց սննդի օբյեկտներ տուգանվել են միայն ռուսերենով ճաշացանկ առաջարկելու և այդ մասին նախազգուշացումներն անտեսելու համար, հայտնում է Ազատություն ռադիոկայանի վրացական ծառայությունը։
Հակամենաշնորհային գործակալությունը ռեստորաններին նախազգուշացրել էր դեռևս 2023 թվականի նոյեմբերին և կոչ արել վերացնել խախտումները, սակայն դա չի արվել նշված ժամկետում։ Այն հաստատությունները, որոնցից մի քանիսը գործում են որպես անհատ ձեռնարկատերեր, իսկ որոշները՝ որպես ՍՊԸ, պետք է տուգանք վճարեն 600-1800 լարիի չափով:
Տուգանքների նշանակման որոշումն այս ռեստորաններին չի ազատում խախտումը շտկելու պարտավորությունից։
Վրաստանի օրենսդրությունը նախատեսում է, որ քաղաքացիները պետք է կարողանան երկրում ցանկացած ծառայություն ստանալ պետական լեզվով։
