14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Կրասնոյարսկում մի քանի գաղութներ են փակում․ պատերազմի պատճառով կալանավորների թիվը պակասել է
Քաղաքականություն
21.03.2024 | 22:17
Կրասնոյարսկի երկրամասի մարդու իրավունքների հանձնակատար Մարկ Դենիսովը հայտնել է, որ այս տարի կփակվեն մի քանի հաստատություններ, որոնք ներառված են շրջանի Դաշնային քրեակատարողական ծառայության գլխավոր վարչության կազմում։ Այս մասին նա խոսել է տարածաշրջանային օրենսդիր ժողովի նիստում, գրում է Մեդուզան:
Նրա խոսքով՝ հաստատությունների փակման պատճառը գաղութներում պահվողների թվի նվազումն է։
«Մեկ տագնապալի միտում եմ նշում. «հատուկ ռազմական օպերացիայի» պայմաններում դատապարտյալների թվի միանգամյա մեծ կրճատումը դրդել է ոմանց վերևներին զեկուցել քրեակատարողական հիմնարկները փակելու անհրաժեշտության մասին՝ օպտիմալացնելու և գումար խնայելու համար: Մեր տարածաշրջանում այս տարի կփակվեն մի շարք հաստատություններ։ Ամենահայտնին Արեյսկի և Գրոմադսկի հիմնարկներն են»,- ասել է օմբուդսմենը։
Ույարսկի շրջանի Գրոմադսկ գյուղում գործում է թիվ 16 ուղղիչ գաղութը, որտեղ պահվում են նախկինում արդեն ազատազրկման պատիժ կրած տղամարդիկ։ Եմելյանովսկի շրջանի Արեյսկոյե գյուղում տղամարդկանց թիվ 7 գաղութն է առաջին անգամ դատապարտված բանտարկյալների համար։
Ըստ Դենիսովի՝ այդ հաստատություններն «իրականում քաղաք ձևավորող ձեռնարկություններ են», ուստի դրանց փակումը կարող է հանգեցնել խնդիրների: Նա նաև կարծում է, որ ապագայում դրանց կարիքը կլինի։
