15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Ադրբեջանի պահանջած 4 գյուղի հանձնումը պատերազմը կկանխի՞, թե միայն կհետաձգի. ՏԵՍԱՆՅՈՒԹ
Քաղաքականություն
21.03.2024 | 21:15
- Հայաստանում աղմուկ է բարձրացրել և ակտիվորեն քննարկվում է վարչապետ Նիկոլ Փաշինյանի այն հայտարարությունը, որ եթե անգամ հայկական զորքը Բաքվի պահանջած 4 գյուղերից հետ քաշվի սահմանագիծ, Ադրբեջանը հայկական 31 բնակավայրերի տարածքներից միաժամանակ չի նահանջելու։ Իսկ ընդդիմանալու վերջը, ըստ նրա, մոտալուտ պատերազմը կլինի։
Այն, որ Ադրբեջանը չի ընդունում, որ օկուպացրել է 31 գյուղի հայկական տարածքներ, հայտարարել է նաև փոխվարչապետ Մհեր Գրիգորյանի գրասենյակը, որն Ադրբեջանի հետ սահմանազատման պրոցեսում է ներգրավված։
Ի՞նչ սկզբունքներով է որոշվելու, որ Հայաստանն է իր զորքերը հետ քաշում 4 գյուղերից, իսկ Ադրբեջանը՝ ոչ, որ առաջինը պետք է ապաօկուպացնի Հայաստանի զավթած տարածքները։ Ի՞նչ քարտեզների, սկզբունքների հիման վրա է նախատեսվում սկսել սահմանազատումը։ Արդյո՞ք Ադրբեջանը Հայաստանին կվերադարձնի իր զավթած տարածքները՝ 200 ք/կմ տարածք Սյունիքի և Գեղարքունիքի մարզերից, Տավուշի 4 գյուղին պատկանող հողատարածքներ, որ զավթել է 1990-ականներին և, ի վերջո, անվիճելիորեն հայկական պատկանելությամբ Արծվաշեն անկլավը, որը նույնպես գտնվում է ադրբեջանական օկուպացիայի տակ։
Ի դեպ, Ֆրանսիայի վարչապետ Գաբրիել Աթալն Ադրբեջանից պահանջել է հետ քաշել իր զորքերը Հայաստանի օկուպացված տարածքներից՝ պնդելով, որ Ֆրանսիայի խնդիրն է՝ օգնել Հայաստանին պաշտպանել իր անկախությունը, իր ժողովրդավարությունը, սուվերենությունն ու տարածքային ամբողջականությունը։
Factor TV-ի տաղավարում հրավիրված քննարկմանը մասնակցում են Լիլիթ Դալլաքյանը՝ քաղաքագետ, Դավիթ Կարապետյանը՝ միջազգայնագետ, Գևորգ Սաֆարյանը՝ ԱԺԲ անդամ, Հայկ Սահակյանը՝ «Հանրապետություն» կուսակցության ներկայացուցիչ։
Մանրամասները՝ տեսանյութում։
