07.11.2026 | 15:06
ԱՄՆ-ն մինչև 20 մլն դոլար պարգևատրում է առաջարկում Իրանի միջուկային ծրագրի մասին տեղեկությունների համար
Դանիայի դեմ ուղղված ահաբեկչության սպառնալիքն աճել է
Քաղաքականություն
21.03.2024 | 23:16
Դանիայի հատուկ ծառայությունները հայտարարել են ահաբեկչական սպառնալիքի աճի մասին՝ Իսրայելի և պաղեստինյան ՀԱՄԱՍ արմատական շարժման միջև ռազմական գործողություններով պայմանավորված, գրում է Reuters-ը։
Դանիայի անվտանգության և հետախուզության ծառայությունը (PET) հայտնել է, որ ահաբեկչական սպառնալիքի մակարդակը հասցվել է 4-ի՝ առավելագույն 5-ից։
«Իսրայելի և ռազմականացված մի շարք խմբավորումների միջև հակամարտությունը, անշուշտ, մտահոգում է շատերին, այդ թվում՝ Դանիայում։ Հակամարտությունը նաև պարունակում է զգալի ներուժ արմատական տրամադրությունների աճի համար, և դա կարող է հանցագործ տարրերին դրդել Դանիայի ներսում ինքնաբուխ կամ պլանավորված գործողությունների, այդ թվում՝ ահաբեկչական հարձակումների», – ասվում է PET-ի հաղորդագրության մեջ:
Հիշեցնենք, որ անցյալ տարի հակաիսլամիստական ակտիվիստները վնասել են Ղուրանի մի քանի օրինակներ Դանիայում, ինչպես նաև հարևան Շվեդիայում՝ աշխարհի ամենաազատական երկրներից երկուսում, որոնք թույլ են տվել կրոնի կտրուկ քննադատություն՝ հանուն ազատ խոսքի:
