23.11.2024 | 16:35
Թուրքիայի հետախուզության ղեկավարն ու գլխավոր ընդդիմադիր կուսակցությունը հանդիպում են անցկացրել անվտանգության հարցերի շուրջ
«Հանրային ձայնից» Ամալյա Սարգսյանը վայր է դրել ավագանու մանդատը
Քաղաքականություն
19.03.2024 | 17:08
Երևանի ավագանու «Հանրային ձայն» խմբակցության անդամ Ամալյա Սարգսյանի լիազորությունները վաղաժամ դադարել են. այս մասին տեղեկացնում է Կենտրոնական ընտրական հանձնաժողովը։
Ավագանու՝ փետրվարի 7-ի արտահերթ նիստին, երբ ընդդիմադիր 3 անդամներ զրկվեցին մանդատից, Ամալյա Սարգսյանը ներկա չէր։ Նրանց քաղաքական ղեկավարը՝ Վարդան Ղուկասյանը հորդորել էր բոյկոտել տվյալ նիստն ու այլևս որևէ նիստի չմասնակցել՝ այդպիսով գնալով արտահերթ ընտրությունների։ Սակայն «Հանրային ձայն» խմբակցության անդամներից երկուսը՝ Վահան Ավագյանն ու Վահե Եսայանը մասնակցեցին նիստին և քվորում ապահովեցին։
Նրանք շարունակում են պարտաճանաչ ներկայանալ ավագանու նիստերի։
Փետրվարի 13-ի հերթական նիստին Ամալյա Սարսգսյանը ևս ներկա էր։ Factor TV-ի հարցին ի պատասխան նա հաստատել էր, որ որոշել է վայր դնել մանդատը՝ անձնական խնդիրներից ելնելով։
«Իմ բացակայությունը կապված չէր Վարդան Ղուկասյանի հորդորի հետ, ես Ռուսաստանի Դաշնությունում էի, վերադարձել եմ, եկել եմ նիստին։ Ինձ վրա ճնշումներ չեն եղել»,- ասել էր ավագանու արդեն նախկին անդամը։ Սարգսյանը նաև ընդգծել էր, որ Վահան Ավագյանն իր կնքահայրն է, իսկ Վահե Եսայանը՝ ընկերը։
Ամալյա Սարգսյանին ավագանիում կփոխարինի Գրիգոր Հարությունյանը։
Արփի Հակոբյան
