05.08.2026 | 15:00
Կիևի մարզում ռուսական հարվածի հետևանքով ոչնչացվել է ուկրաինական Rozetka մարկետփլեյսի ամենախոշոր պահեստը
Մենք նրանց կպատժենք՝ ուր էլ լինեն․ Պուտինը՝ ուկրաինական բանակին միացած «դավաճանների» մասին
Քաղաքականություն
19.03.2024 | 22:00
ՌԴ նախագահ Վլադիմիր Պուտինը, ելույթ ունենալով Անվտանգության դաշնային ծառայության (ԱԴԾ) կոլեգիայի նիստում, կոչ է արել ռուսական հետախուզական ծառայություններին չմոռանալ «դավաճանների մասին», որոնք միացել են ուկրաինական դիվերսիոն-հետախուզական խմբերին, գրում է Meduza-ն։
«Ես խնդրում եմ չմոռանալ՝ ովքեր են նրանք, պարզել նրանց անվանական։ Մենք նրանց կպատժենք առանց վաղեմության ժամկետի՝ որտեղ էլ լինեն»,- ասել է Պուտինը։
Նա կոչ է արել ԱԴԾ-ին «բավարար ուշադրություն դարձնել գործունեության այս ոլորտին»։
Պուտինի խոսքով՝ «դիվերսիոն և ահաբեկչական խմբավորումների»՝ ՌԴ տարածք ներխուժելու բոլոր փորձերը «տապալվել են»։
Նա նաև մեղադրել է Ուկրաինայի իշխանություններին Արևմուտքի աջակցությամբ «ահաբեկչական մեթոդների անցնելու մեջ՝ խաղաղ քաղաքների հրետակոծում, պետական պաշտոնյաների և հասարակական գործիչների դեմ մահափորձեր, ենթակառուցվածքային օբյեկտների վրա դիվերսիոն և ահաբեկչական հարձակումների հեղինակներին հավաքագրելու փորձեր»:
