14.10.2026 | 14:53
Բաքուն Իրանին և Թուրքիային մեղադրում է Ադրբեջանի դեմ տեղեկատվական հարձակումների մեջ
Տրանսպորտի, կապի և ՏՏ փոխնախարար Արմեն Փամբուխչյանն ամփոփել է 100 օրը
17.08.2018 | 13:36
Հայաստանի Հանրապետության տրանսպորտի, կապի և տեղեկատվական տեխնոլոգիաների փոխնախարար Արմեն Փամբուխչյանն ամփոփել է 100 օրվա ընթացքում տրանսպորտի ոլորտում տեղի ունեցած փոփոխությունները:
Արմեն Փամբուխչյանի աշխատանքային 100-օրվա ընթացքում կատարված հիմնական աշխատանքները.
Տաքսամոտորային փոխադրումներ իրականացման գործընթացը կանոնակարգելու, ոլորտում գործունեություն իրականացնողների համար հավասար մրցակցային պայմաններ սահմանելու նպատակով մշակվել է օրենսդրական փաթեթ և ներկայացվել շահագրգիռ պետական կառավարման մարմինների քննարկմանը:
«ՀԿԵ» ՓԲԸ «Զոդ» կայարանում վերականգնվել է էլեկտրակենտրոնացման համակարգը, որի բացումը տեղի ունեցավ հունիսին:
Էլեկտրական կենտրոնացման համակարգը երկաթուղային կայարանում չէր աշխատում 1989 թվականից: Համակարգը թույլ կտա գնացքների համար երթուղի կազմել անմիջապես կառավարման վահանակից՝ առանց գիծ դուրս գալու: Դա էապես կարագացնի գործընթացը՝ կրճատելով տևողությունը 30 րոպեից մինչև կես րոպե, իսկ գնացքների ձևավորման ժամանակը հետագա տեխզննման հետ կկրճատվի 1 ժամ 20 րոպեով: Բացի այդ, համակարգը լիովին ապահովում է գնացքների երթևեկության անվտանգությունը և կայարանի աշխատակիցների աշխատանքի ու տեխնիկայի անվտանգության պահանջները, ինչը թույլ է տալիս խնայել զգալի միջոցներ:
«Հարավկովկասյան երկաթուղի» ՓԲԸ-ն այսուհետև ինտենսիվ կիրականացնի վագոններով բեռների լաստանավային փոխադրումներ՝ Կովկաս-Փոթի միջանցքով:
Մեկնարկել է այլընտրանքային ճանապարհ ծրագիրը՝ Փոթի-Նովոռոսիյսկ ուղղություններով:
Տարիներ շարունակ 205 երթուղու խնդիրը (հնամաշ տրանսպորտային միջոցներ, չվացուցակի խախտում ու վատ սպասարկում) 2018 թ. լուծում ստացավ: Արտադրության ամբողջովին նոր «Գազ» մակնիշի տրանսպորտային միջոցներն արդեն սպասարկում են ավելի քան 13.000 բնակչություն ունեցող Նորակերտ, Բաղրամյան, Այգեկ, Մերձավան և Թաիրով համայնքների բնակիչներին՝ հստակ չվացուցակով:
9 նոր «Գազ» մակնիշի տրանսպորտային միջոցներն են սպասարկում Երևան-Էջմիածին երթուղին։
Երկար դադարից հետո գործում է Այրում-Նոյեմբերյան-Երևան օրինական երթուղին:
Ի դեպ, սպասարկելու են Ford Transit մակնիշի նոր և հարմարավետ մեքենաներով (+անվճար WiFi)
Արագածոտնի մարզի Սասունիկ համայնքը կանոնավոր ավտոբուսային կապ կունենա Երևան քաղաքի հետ:
Գողթ համայնքն ապահովվել է տրանսպորտային սպասարկմամբ:
Տեխնիկական զննության գործընթացի բարեփոխումների նպատակով մշակվել է օրենսդրական փաթեթը՝ ներկայացվել շահագրգիռ պետական կառավարման մարմինների քննարկմանը:
Սեղմված բնական կամ հեղուկացված նավթային գազով տրանսպորտային միջոցների վերասարքավորման գործընթացը կանոնակարգելու նպատակով մշակվել է օրենսդրական փաթեթ և ներկայացվել շահագրգիռ պետական կառավարման մարմինների քննարկմանը:
Մշակվում է
Ավտոմոբիլային տրանսպորտի բնագավառին վերաբերող և ավտոմոբիլային տրանսպորտի բնագավառի գործունեությունը կանոնակարգող իրավական ակտերի նախագծեր.
Հայաստանի Հանրապետության ավտոմոբիլային տրանսպորտի բնագավառին վերաբերող սոցիալ-տնտեսական, հեռանկարային և ընթացիկ ծրագրերի նախագծեր.
Ընդհանուր օգտագործման ավտոմոբիլային տրանսպորտի շահագործման և երթևեկության անվտանգության բնագավառում պետական քաղաքականության իրականացմանն ուղղված միջոցառումներ.
Ավտոմոբիլային տրանսպորտի բնագավառում Հայաստանի Հանրապետության միջազգային պայմանագրերի (համաձայնագրերի) նախագծերի նախապատրաստում և Հայաստանի Հանրապետության ստանձնած պարտավորությունների կատարման աշխատանքներին:
