16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Վալերի Օսիպյանի քավոր Կարեն Կարապետյանի նկատմամբ հարուցվել է քրեական գործ
17.08.2018 | 12:49
ՀՀ ոստիկանապետ Վալերի Օսիպյանի քավոր, Պետական եկամուտների կոմիտեի օպերատիվ հետախուզության վարչության պետ Կարեն Կարապետյանն, ով հանրությանն առավել հայտնի է «Շառլոտ» գիշերային ակումբի ծեծկռտուքի և իր ազդեցիկ պաշտոնն անձնական ամբիցիաների համար օգտագործելու պատմություններից, հայտնվել է ՀՔԾ-ի ուշադրության կենտրոնում։
Կարեն Կարապետյանի նկատմամբ ՀՔԾ-ում հարուցվել է քրեական գործ։
Այս մասին Factor.am-ին հայտնեց ՊԵԿ-ի մեր աղբյուրը՝ հավելելով․ «ՊԵԿ Ներքին անվտանգության վարչության պետի տեղակալ Լևոն Հովհանիսյանը նշանակվել է Օպերատիվ հետախուզության վարչության պետի տեղակալ, միաժամանակ, ժամանակավորապես, նա է կատարում վարչության պետի պարտականությունները»:
Հիշեցնենք, որ ավելի վաղ Factor.am-ը գրել էր, որ Պետական եկամուտների կոմիտեի ղեկավար Դավիթ Անանյանի հրահանգով ՊԵԿ-ում սկսվել է ներքին ծառայողական քննություն օպերատիվ հետախուզության վարչության պետ Կարեն Կարապետյանի նկատմամբ։
Աղավնի Սուքիասյան
