26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Մեկնարկել է դատական իշխանության ժողովը՝ գործադիր իշխանության շենքում
Հասարակություն
15.03.2024 | 14:53
Դատավորներն այսօր ընդհանուր ժողով են անում Կառավարության շենքում։
Ժողովի այսօրվա օրակարգում Դատավորների ընդհանուր ժողովի ուսումնական հարցերի ու էթիկայի և կարգապահական հանձնաժողովների անդամների ընտրության հարցն է։ Սա դատական իշխանության արդեն երկրորդ ժողովն է գործադիր իշխանության շենքում։ Ժողովի վայրի այսպիսի ընտրությունն, ըստ ԲԴԽ-ի պարզաբանման, ռեսուրսներ խնայելու նպատակ ունի։
Նշենք, որ նախկինում Դատավորների ընդհանուր ժողովներն անցկացվում էին Երևանի ընդհանուր իրավասության դատարանի Աջափնյակի նստավայրում, սակայն կորոնավիրուսի համավարակի տարածումից հետո դրանք սկսեցին անցկացվել Կարեն Դեմիրճյանի անվան մարզահամերգային համալիրում։
Վերջին մեկ տարվա ընթացքում ժողովներն անցկացվում էին Երևանի տարբեր հյուրանոցներում կամ բիզնես կենտրոններում վարձակալված սրահներում։
