03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ի՞նչ ճակատագիր կունենան Կոնսերվատորիան և մյուս բուհերը․ Ակադեմիական քաղաք նախագծին ընդառաջ․ ՏԵՍԱՆՅՈՒԹ
Քաղաքականություն
14.03.2024 | 21:00
Հայաստանի միակ մասնագիտական երաժշտական բարձրագույն հաստատության՝ Կոնսերվատորիայի ապագան դեռևս պարզորոշ չէ։ Կոնսերվատորիան Թատերական ինստիտուտի, Գեղարվեստի ակադեմիայի, մի քանի մշակութային կառույցների հետ միասին հայտնվել է Ակադեմիական քաղաքի՝ մշակույթի կլաստերում ներառվելու հարցի առաջ։
ԿԳՄՍ նախարարությունից հայտնում են՝ շրջանառվող լուրերը, թե Երևանի Կոմիտասի անվան պետական կոնսերվատորիան փակվում է, ուռճացված են։ Նշում են, որ բուհը փակելու նպատակ չունեն, «Ակադեմիական քաղաք» են կառուցում։
«Ակադեմիական քաղաք» հիմնադրամը բուհերին է ուղարկել խոշորացման և ինտեգրման գործընթացի շրջանակում ձևավորվող աշխատանքային խմբերի կազմը։ Աշխատանքային խմբերի բաժանումից արդեն իսկ ենթադրվում է, թե որ բուհը որին է միանալու։ Սա է, թերևս, նոր անհանգստության պատճառ դարձել Կոնսերվատորիայում։ Այն առաջին բուհերից մեկն է, որ դեմ է բուհերի միավորման կառավարության նախաձեռնությանը։ Բուհի գիտխորհուրդն անհամաձայնության հիմնավորումներն ու առաջարկներն է ներկայացրել նախագծի մասին։
Factor TV-ի տաղավարում այս թեմայով հրավիրված քննարկմանը մասնակցում են Մարգարիտա Սարգսյանը՝ Երևանի Կոմիտասի անվան պետական կոնսերվատորիայի պրոֆեսոր, դաշնակահար, Ռուբեն Բաբայանը՝ ռեժիսոր, Զարուհի Հովհաննիսյանը՝ իրավապաշտպան, ջութակահար, Արսեն Գրիգորյանը՝ երգիչ, Հայաստանի վաստակավոր արտիստ, Ատոմ Մխիթարյանը՝ կրթության փորձագետ։
Մանրամասները՝ տեսանյութում։
Ռոբերտ Անանյան
