13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ասացին՝ ծխելդ տեսագրվել է, պիտի ազատման դիմում գրես․ աշխատանքից ազատված վարորդ
Հասարակություն
14.03.2024 | 17:18
Երևանի քաղաքապետի մամուլի խոսնակ Հայկ Կոստանյանը օրերս հայտնել էր, որ հունվարի 1-ից մինչև մարտի 10-ն ընկած ժամանակահատվածում ավտոբուսի 21 վարորդ ազատվել է աշխատանքից։
«Ազատման պատճառներից են քաղաքացիների հանդեպ ոչ պատշաճ վերաբերմունքը, երթևեկության ընթացքում թույլ տված պարբերական խախտումները, ինչպես նաև ծառայողական այլ խնդիրներ, նաև՝ մարտի 8-ին կանանցից գումար գանձելը»,- գրել էր մամուլի խոսնակը։
Աշխատանքից ազատված վարորդներից մեկը Factor.am-ի հետ զրույցում պատմեց, որ իրեն հեռացրել են վարելու ընթացքում ծխելու և հեռախոսով խոսելու համար։ Ասաց՝ որոշումից առաջ իրեն մի քանի անգամ զգուշացրել են։
«Պարբերաբար ասել են, որ պիտի չծխենք, չխոսենք բայց ինքնաբերաբար ստացվում էր։ Անակնկալ չէր ազատումը, ասացին, որ ծխելդ տեսագրվել է, պիտի ազատման դիմում գրես։ Գրեցի, ստորագրեցի, դուրս եկա»,- ասաց աշխատանքը կորցրած վարորդը։
Մեկ այլ վարորդ ևս մեզ հետ զրույցում ասաց, որ ազատման պատճառը ծխելն է․ «Պայմանները խիստ են եղել, ծխել եմ՝ ազատվել եմ»։
Նշենք, որ ազատումները եղել են «Երևանի ավտոբուս» ՓԲԸ-ում, այսինքն՝ խոսքը միայն համայնքային ավտոբուսների վարորդների մասին է։
Արփի Հակոբյան
