07.11.2026 | 15:54
Եթե թուրքերն ուզենան հարձակվեն, մենք չենք հասցնի հզորանանք, որևիցե բան չենք հասցնի. Սիմոնյանը՝ սփյուռքահային. ՏԵՍԱՆՅՈՒԹ
Ուկրաինայի օկուպացված տարածքներում ընտրություններ կազմակերպելու՝ ՌԴ-ի փորձերը խախտում են միջազգային իրավունքը. Ստոլտենբերգ
Քաղաքականություն
14.03.2024 | 22:57
ՆԱՏՕ-ի գլխավոր քարտուղար Յենս Ստոլտենբերգը մեկնաբանել է Ռուսաստանում կայանալիք նախագահական ընտրությունները, որոնք կազմակերպվելու են նաև Ուկրաինայի օկուպացված տարածքներում, փոխանցում է BBC-ի ռուսական ծառայությունը։
«Ազատ և արդար ընտրությունները ցանկացած ժողովրդավարության հիմքն են, իսկ ընտրությունները Ռուսաստանում չեն լինի ազատ և արդար, քանի որ մենք արդեն գիտենք՝ ընդդիմադիր քաղաքական գործիչները բանտերում են, ոմանք սպանվել են, իսկ շատերը՝ աքսորում»,- ասել է Ստոլտենբերգը։
Նրա խոսքով՝ Վլադիմիր Պուտինը մի քանի տասնամյակ Ռուսաստանում իշխանության ղեկին է, և «ոչ ոք չի սպասում, որ այս շաբաթ սպասվող ընտրությունները կհանգեցնեն Կրեմլում որևէ փոփոխության»։
«Իհարկե, Ուկրաինայի օկուպացված շրջաններում ընտրությունների որևէ մաս կազմակերպելու՝ Ռուսաստանի փորձերը լիովին անօրինական են և խախտում են միջազգային իրավունքը»,- հավելել է Ստոլտենբերգը։
