15.09.2026 | 15:25
Ռուս սահմանապահների դուրսբերումը կչեղարկի՞ Հայաստան-Թուրքիա սահմանը․ Էդգար Ղազարյանի պնդումն ու փաստաթղթերը
Բելառուսը զինտեխնիկա և ռազմական անձնակազմ է տեղափոխել Լիտվայի հետ սահման
Քաղաքականություն
14.03.2024 | 22:42
Գիշերը Բելառուսը զինտեխնիկայով և զինվորականներով 46 վագոնից բաղկացած գնացք է տեղափոխել Լիտվայի հետ սահման։ Այս մասին Telegram-ում հայտնել է «Беларускі Гаюн» մոնիթորինգային խումբը։
«19-րդ մեքենայացված բրիգադի ստորաբաժանումները (1-ին առանձին մեքենայացված գումարտակը և 4-րդ առանձին տանկային գումարտակը) տեղափոխվել են Օշմյանի շրջան (Լիտվիային սահմանակից)»,- ասվում է հաղորդագրության մեջ։
Նշվում է, որ զինտեխնիկայով գնացքն Օշմյանի կայարան է ժամանել այս գիշեր։ Տեխնիկայի քանակը համապատասխանում է ոչ ամբողջական մեխանիզացված գումարտակին, որն ուժեղացված է տանկային վաշտով։
Խոսքը 46 վագոնի մասին է, մասնավորապես, չորս մարդատար վագոն (Բելառուսի Զինված ուժերի անձնակազմով), երեք ծածկված վագոն (սարքավորումներով և զինամթերքով), 39 պլատֆորմային վագոն, 12 հարթակ՝ БМП-2-ով (ընդհանուր 24 միավոր), ինը հարթակ՝ T-72B տանկերով (9 միավոր), երեք հարթակ՝ ռազմական ինժեներական տեխնիկայով, 15 հարթակ՝ ավտոմոբիլային տեխնիկայով (ընդհանուր՝ 30 միավոր):
