12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
Էրդողանի ավտոշարասյունը վթարի է ենթարկվել. կան տուժածներ
13.03.2024 | 20:10
Թուրքիայի նախագահ Ռեջեփ Թայիփ Էրդողանի անվտանգության աշխատակիցը Շըրնաքում տեղի ունեցած ճանապարհատրանսպորտային պատահարի հետևանքով զոհվել է, գրում են թուրքական լրատվամիջոցները։
Ըստ տրամադրված տեղեկատվության՝ վթարի հետևանքով տուժել է 3 մարդ, այդ թվում՝ 2 ոստիկան։
Վթարի հետևանքով մահացել է ոստիկանության աշխատակից Ֆըրաթ Դերը, որը հերթապահել է Շըրնաքում։ Ոստիկանության աշխատակիցներ Օ. Կ.-ն և Ի.Դ.-ն վիրավորվել են։
Էրդողանի ավտոշարասյունը վթարի է ենթարկվել Շըրնաքում հանրահավաքից հետո՝ ժամը 15:00-ի սահմաններում։
«Ցավակցում եմ այսօր Շըրնաքի մեր հանրահավաքից հետո տեղի ունեցած ավտովթարի հետևանքով ոստիկան Ֆիրաթ Դերեի մահվան կապակցությամբ, իսկ վթարից տուժած աշխատակիցներին մաղթում եմ շուտափույթ ապաքինում»,- ասել է Էրդողանը նախընտրական հանրահավաքում։
