22.07.2026 | 21:15
Նարեկ Կարապետյանին մեղադրանք առաջադրվեց․ գլխավոր դատախազը կգնա՞ խորհրդարան. ՏԵՍԱՆՅՈՒԹ
BP-ն պատրաստվում է Արցախի տարածքներում վերականգնող էներգիայի նախագիծ իրականացնել
Քաղաքականություն
13.03.2024 | 23:14
Ադրբեջանի նախագահ Իլհամ Ալիևը և British Petrolium ընկերության նոր գործադիր տնօրեն Մյուրեյ Օկինկլոսը Բաքվում քննարկել են բրիտանական ընկերության և SOCAR-ի (Ադրբեջանի պետական նավթագազային ընկերություն) հետագա համագործակցությանը վերաբերող հարցեր, գրում են ադրբեջանական լրատվամիջոցները։
Հաղորդվում է, որ ընկերության ղեկավարը գոհունակություն է հայտնել Ադրբեջանի և BP-ի միջև համագործակցության կապակցությամբ և ընդգծել երկրի էներգետիկ ռեսուրսներից ստացվող եկամուտներն ազգային տնտեսության զարգացմանն ուղղելու կարևորությունը։
Հանդիպման ընթացքում քննարկվել են BP-ի և SOCAR-ի հետագա համագործակցության հարցերը, անդրադարձ է կատարվել տարածաշրջանի ու Եվրոպայի մի շարք երկրների էներգետիկ անվտանգության, հատկապես կայուն գազամատակարարման գործում Ադրբեջանի ներդրմանը։
Ածխաջրածնային ռեսուրսների հետ մեկտեղ նշվել է նաև վերականգնվող էներգիայի աղբյուրների՝ Ադրբեջանի ներուժը, այդ թվում՝ Արցախի տարածքներում։
Նշվում է, որ BP-ն պատրաստվում է այս տարի Արցախի տարածքներում այդ ոլորտին առնչվող նախագիծ իրականացնել։
