07.11.2026 | 15:06
ԱՄՆ-ն մինչև 20 մլն դոլար պարգևատրում է առաջարկում Իրանի միջուկային ծրագրի մասին տեղեկությունների համար
«Ֆուկուսիմա-1» վթարային ԱԷԿ-ից օվկիանոս ջրի բացթողումը համապատասխանում է անվտանգության չափանիշներին․ ՄԱԳԱՏԷ
Քաղաքականություն
13.03.2024 | 22:44
ՄԱԳԱՏԷ-ի գլխավոր տնօրեն Ռաֆայել Գրոսսին ճապոնական Ֆուկուսիմա պրեֆեկտուրա կատարած այցի ժամանակ ասել է, որ «Ֆուկուսիմա-1» վթարային ատոմակայանից ջրի բացթողման շարունակական գործընթացն իրականացվում է անվտանգության չափանիշներին համապատասխան, հաղորդում է Associated Press-ը։
Նա նշել է, որ գործընթացը «ոչ մի ազդեցություն չի թողնում շրջակա միջավայրի, ջրի կամ ձկների վրա»։ Նրա խոսքով՝ Ճապոնիայի այն շրջանների արտադրանքի նկատմամբ սահմանափակումները, որոնք տուժել են Ֆուկուսիմայից ջրի բացթողումից, «գիտականորեն անհիմն են»։
Գրոսսին Ճապոնիա է ժամանել նախօրեին։ Վերջին անգամ նա «Ֆուկուսիմա-1» ատոմակայանում եղել է անցած տարվա ամռանը։
2023 թվականի օգոստոսի 24-ին Ճապոնիան սկսել է մաքրված ջրի աստիճանական բացթողումն օվկիանոս, որը կուտակվել էր «Ֆուկուսիմա-1» ատոմակայանի վթարային ռեակտորների սառեցման արդյունքում:
