Թուրքիայում ադրբեջանական SOCAR-ի գրասենյակի դիմաց բողոքի ցույց է անցկացվել՝ Իսրայել նավթի մատակարարումները դադարեցնելու պահանջով

«1000 երիտասարդներ հանուն Պաղեստինի» շարժումը, որը ձևավորվել է երիտասարդների կողմից Գազայի հատվածի վրա Իսրայելի հարձակումներից երկու ամիս անց, բողոքի ակցիա են անցկացրել Թուրքիայի տարածքով ադրբեջանական նավթը Իսրայել տեղափոխելու դեմ, գրում են թուրքական լրատվամիջոցները։

Ակցիան տեղի է ունեցել Ստմաբուլում Ադրբեջանի պետական նավթագազային SOCAR ընկերության գլխամասային գրասենյակի դիմաց։ Ցուցարարները պարզել են պաստառ՝ «Թուրքիայի ամենախոշոր օտարերկրյա ներդրող SOCAR-ը խթանում է Իսրայելի իրականացրած ցեղասպանությունը։ Վե՛րջ տվեք առևտրին օկուպանտի հետ» գրությամբ։

Շարժման անունից տարածված հայտարարության մեջ ասվում է, որ Իսրայելի նավթի կարիքների 60%-ը բավարարում են Ադրբեջանն ու Ղազախստանը, իսկ ադրբեջանական նավթը Բաքու-Թբիլիսի-Ջեյհան խողովակաշարով տեղափոխվում է Թուրքիա, այնուհետև՝ Իսրայել: SOCAR-ն ամեն օր Իսրայել է ուղարկում 44 հազար բարել նավթ, ընդ որում, Իսրայելը հում նավթ է ստանում Բաքու-Թբիլիսի-Ջեյհան խողովակաշարից և վերամշակված նավթ՝ SOCAR-ին պատկանող STAR նավթավերամշակման գործարանից:

«Մենք կդիմադրենք նրանց, որոնք մեղսակից են այս հանցագործությանը՝ առևտուր անելով, մինչև դադարի գործել ցեղասպանության հեղինակը՝ Իսրայելը»,- ասվում է հայտարարության մեջ։

Անվտանգության ուժեղացված միջոցառումների պայմաններում անցկացված ցույցի ժամանակ հնչել են «Ազատ Պաղեստինը գետից ծով», «SOCAR-ի նավթը սնուցում է սիոնիզմը», «Փակե՛ք փականները, վե՛րջ տվեք առևտրին», «Ադրբեջանը վաճառում է, Թուրքիան՝ փոխադրում» կարգախոսները։

Socar Filistinliler açlıktan ölürken İsraili petrolü ile besliyor.

Günde 44bin varil petrol Bakü-Ceyhan boru hattıyla Türkiye'ye, oradan gemilerle İsrail’e gönderiliyor.

Bu ikiyüzlü soykırım fırsatçılarına karşı, direnişin Küresel Enerji boykotu çağrısını yükseltmek için bütün… pic.twitter.com/QJNvV5K7iw

— Filistin İçin Bin Genç (@filistinicinbin) March 12, 2024

Էմմա Չոբանյան