15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ռոբերտ Քոչարյանի գործողությունները չեն բխել օրենքից, անձեռնմխելիությունից խոսելն էլ հիմնավոր չէ․ Պարգև Օհանյան․ ՏԵՍԱՆՅՈՒԹ
16.08.2018 | 15:23
Անձեռնմխելիությունը չի կարող լինել բացարձակ․ դեռ 1995 թվականի Սահմանադրության մեջ անձեռնմխելիության մասին խոսք չկար, դա մտցվեց 2005 թվականին, որը պահպանվեց մինչև այժմ, և, ըստ այդ կետի, հանրապետության նախագահը հայրենիքի դավաճանության կամ այլ ծանր հանցագործության համար կարող է պաշտոնանկ արվել, որի համար պետք է դատարանի՝ օրինական ուժի մեջ մտած վճիռ, հետևաբար, այս տրամաբանությամբ հանրապետության նախագահը չի կարող անձեռնմխելիություն ունենալ։
Այս մասին այսօր հրավիրված մամուլի ասուլիսի ժամանակ ասաց նախկին դատավոր Պարգև Օհանյանը՝ շեշտելով, որ Ռ․ Քոչարյանի գործողությունները նրա կարգավիճակից կբխեին, եթե բխեին օրենքից, ինչը չկա, հետևաբար, խոսել անձեռնմխելությունից հիմնավոր չէ։
«Եթե դատարանն՝ ի դեմս Վերաքննիչ դատարանի, հռչակում է, որ նա անձեռնմխելի է, ուրեմն բացառում է օբյեկտիվ կողմը, չէ՞ որ ակնհայտ է, որ Ռ․ Քոչարյանի գործողությունները չեն բխել օրենքից։ Ռազմական դրություն հայտարարելու հիմքեր չեն եղել, ակնհայտ է՝ նախագահի գործողությունները չեն բխել Սահմանդրությամբ իրեն տրված լիազորություններից, ուստի՝ չեն բխել իր կարգավիճակից»,-ասաց նախկին դատավորը։
Մանրամասները՝ տեսանյութում։
