03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Լատվիայում կստուգեն ՌԴ նախագահի ընտրություններին քվեարկության եկած քաղաքացիների փաստաթղթերը
Քաղաքականություն
11.03.2024 | 23:24
Ռուսաստանի այն քաղաքացիները, որոնք կգնան Ռիգայում ՌԴ դեսպանատուն և հյուպատոսություն՝ քվեարկելու ՌԴ նախագահական ընտրություններում, ոստիկանությունը և Լատվիայի պետական սահմանապահ ծառայությունը կստուգեն վիզաների և երկրում բնակության թույլտվության փաստաթղթերը: Այս մասին գրում է Մեդուզան։
Բացի ՌԴ դեսպանատնից՝ ոստիկաններն ու սահմանապահները կստուգեն ՌԴ քաղաքացիների փաստաթղթերը նաև փողոցներում, ասել է Լատվիայի պետական ոստիկանության պետ Արմանդս Ռուկսը։
Եթե այդ ստուգումների ընթացքում ՌԴ քաղաքացիների շրջանում բացահայտվեն երկրում գտնվելու կանոնների լուրջ խախտումներ, ապա Քաղաքացիության և միգրացիոն հարցերի գրասենյակը կկարողանա սկսել Լատվիայից նրանց արտաքսման ընթացակարգը, նշել է Ռուկսը։
Նրա խոսքով՝ Լատվիայում ՌԴ նախագահական ընտրությունների ժամանակ ոստիկանությունը կաշխատի ուժեղացված ռեժիմով՝ «խստորեն ճնշելով ռուսական ագրեսիան փառաբանելու ցանկացած փորձ»։
