Քաղաքականություն
11.03.2024 | 21:51
Հայաստանի մասին գրքեր են հայտնվել Բաքվում, որոնք անհանգստացրել են Ադրբեջանի իշխանություններին։ Տեղական լրատվամիջոցները հայտնում են, որ Բաքվի Բաշիր Սեֆերօղլու 191 հասցեում գտնվող գրադարակում Հայաստանում մարդու իրավունքների և ազատությունների մասին գրքեր են հայտնվել։
Տեսանյութն ակտիվորեն տարածվում է համացանցի ադրբեջանական տիրույթում և դարձել է բուռն քննարկումների առիթ։
«Սրանք գրքեր են Հայաստանում մարդու իրավունքների, ազատությունների և այլնի մասին: Ինչպե՞ս են այդ գրքերը եկել մեր երկիր և ինչպե՞ս են դրանք դրվել այդ դարակում։ Պարզապես պետք է նայել շուրջը գտնվող տեսախցիկների ձայնագրությունները՝ պարզելու համար, թե ով է դա արել։ Այդ մարդուն պետք է գտնել, նա շատ վտանգավոր է, որը մեր երկիր է բերել թշնամի պետության գրքերը։ Միգուցե մեր մեջ դավաճաններից մեկն է»,- գրել է պատմաբան Զաուր Ալիևը։
Ադրբեջանական լրատվամիջոցների հետ զրույցում ՆԳՆ մամուլի ծառայության ղեկավար Էլշադ Հաջիևն ասել է, որ գրքերի վերաբերյալ հետաքննություն է ընթանում, քննության արդյունքների մասին տեղեկություն կտրամադրվի։
