15.10.2026 | 16:44
Գագիկ Ծառուկյանի գործով մեղադրական եզրակացությունը չի համապատասխանում օրենքի պահանջին. Երեմ Սարգսյան
«Աբովյան» ՔԿՀ-ում կին դատապարտյալների մասնակցությամբ մարզական միջոցառում է անցկացվել
Հասարակություն
10.07.2017 | 13:37
Հուլիսի 7-ին ՀՀ սպորտի և երիտասարդության հարցերի նախարարության նախաձեռնությամբ, Քրեակատարողական ծառայության հետ համատեղ և Աբովյանի քաղաքապետարանի աջակցությամբ ԱՆ «Աբովյան» քրեակատարողական հիմնարկում կայացել է ավանդական մարզական միջոցառումը կին դատապարտյալների մասնակցությամբ, որի ընթացքում ազատազրկված կանայք իրենց ուժերը չափել են 30մ վազքի, հեռացատկի, բազկամարտի, սեղանի թենիսի, դարթսի և վոլեյբոլի մրցումներում:
Ինչպես տեղեկացնում է ՀՀ ԱՆ ՔԿՎ հանրային կապերի բաժինը, մինչ մրցելույթների սկսվելը միջոցառման կազմակերպիչները հանդես են եկել ողջույնի խոսքով՝ շեշտելով այսօրինակ միջոցառումների կարևորությունը դատապարտյալ կանանց վերասոցիալականցման և զբաղվածության ապահովմանն ուղղված աշխատանքների համատեքստում:
Մարզական միջոցառման ավարտին հաղթողները պարգևատրվել են պատվոգրերով և հուշանվերներով, իսկ վոլեյբոլի մրցաշարում 1-ին տեղը գրաված թիմը՝ գավաթով:
Եզրափակելով մարզական օրը` ներկաները նման միջոցառումների շարունակականությունն ապահովելու և վերջիններիս ցանկը ընդլայնելու ուղղությամբ գործուն քայլեր ձեռնարկելու պատրաստակամություն են հայտնել։
