14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ուկրաինան պետք է քաջություն ունենա սպիտակ դրոշ բարձրացնել և բանակցել. Հռոմի պապ
Քաղաքականություն
10.03.2024 | 15:42
Հռոմի Ֆրանցիսկոս պապն ասել է, որ ռուս-ուկրաինական հակամարտությունում պարտվող կողմը պետք է համարձակություն գտնի ընդունելու դա և համաձայնվի բանակցել։ Նա Ուկրաինային է անվանել է պարտվող կողմ։ Այս մասին Հռոմի պապն ասել է շվեյցարական RSI հեռուստառադիոընկերությանը տված հարցազրույցում, որը կհեռարձակվի մարտի 20-ին։
Նրա խոսքով, այսօր բանակցությունները կարելի է վարել միջազգային ուժերի օգնությամբ։ Այժմ ուկրաինական հակամարտության մեջ շատ են նրանք, ովքեր ցանկանում են հանդես գալ որպես միջնորդ, մասնավորապես Թուրքիան։ «Մի՛ ամաչեք բանակցել, քանի դեռ իրավիճակն ավելի չի սրվել»,- հավելել է Պապը:
Հռոմի պապի կարծիքով՝ ամենաուժեղը նա է, ով տեսնում է իրավիճակը, մտածում է իր ժողովրդի մասին, համարձակություն ունի սպիտակ դրոշը բարձրացնելու և բանակցելու։ ««Բանակցություն» բառը խիզախ բառ է։ Երբ տեսնում ես, որ պարտվում ես, գործերը լավ չեն ընթանում, պետք է համարձակություն ունենալ բանակցելու համար»,- նշել է Ֆրանցիսկոս պապը։
