15.09.2026 | 13:33
Վաշինգտոնում հայկական բրենդիի համտեսի երեկո է անցկացվել
Ջեֆ Բեզոսը կրկին աշխարհի ամենահարուստ մարդն է
Քաղաքականություն
05.03.2024 | 23:01
Amazon-ի հիմնադիր Ջեֆ Բեզոսը կրկին զբաղեցրել է առաջին տեղը Bloomberg-ի համաշխարհային միլիարդատերերի ինդեքսում։
2024 թվականին Բեզոսը, ում կարողությունը գնահատվում է 200 միլիարդ դոլար, աշխարհի ամենահարուստ մարդկանց վարկանիշում կարողացավ առաջ անցնել SpaceX-ի սեփականատեր Իլոն Մասկից և LVMH Moet Hennessy-Louis Vuitton-ի տնօրենների խորհրդի նախագահ Բեռնար Առնոյին:
Նրանց կարողությունը ներկայում կազմում է, համապատասխանաբար, 198 միլիարդ և 197 միլիարդ դոլար: Բեզոսի կապիտալը հաշվարկելիս հաշվի են առնվել նրա՝ տիեզերական հետախուզման Blue Origin ընկերությունից ստացված եկամուտը և Amazon-ի բաժնետոմսերի վաճառքը։
Վերջին անգամ 60-ամյա Ջեֆ Բեզոսը Bloomberg-ի վարկանիշը գլխավորել է 2021 թվականին։ Այնուհետև առաջատարի դիրքում ամրապնդվել է Իլոն Մասկը, ում կարողությունը մեծացավ իր Tesla ընկերության բաժնետոմսերի գների աճի շնորհիվ։ Այնուամենայնիվ, 2024 թվականին Tesla-ի բաժնետոմսերի արժեքը նվազել է 24 տոկոսով։
