07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Գերմանիայում Tesla գործարանը տարհանվել է էլեկտրահաղորդման գծերի հրդեհի պատճառով
Քաղաքականություն
05.03.2024 | 22:40
Բեռլինի մերձակայքում գտնվող Եվրոպայի միակ Tesla գործարանում արտադրությունը դադարեցվել է էլեկտրաէներգիայի անջատման պատճառով, իսկ գործարանի աշխատակիցները տարհանվել են։ Տեղի ոստիկանությունը dpa-ին հայտնել է, որ ենթադրյալ հրկիզման փաստով հետաքննություն է ընթանում:
DW-ի ռուսական ծառայության փոխանցմամբ՝ Tesla-ն չի ակնկալում, որ կկարողանա արագ վերսկսել գործարանի աշխատանքը։
Բրանդենբուրգի ՆԳՆ-ի տվյալներով՝ անհայտ անձինք հրկիզել են առանձին էլեկտրահաղորդման գծի հենարանը, այլ ոչ թե ենթակայանը, ինչպես ի սկզբանե հաղորդվում էր։ Դա հանգեցրել է Բրանդենբուրգի Օդեր-Սպրե շրջանի համայնքներում և էլեկտրամոբիլներ արտադրող Tesla-ի մոտակա գործարանում էլեկտրաէներգիայի անջատումների:
Նահանգի ներքին գործերի նախարար Միխայել Շտյուբգենը հայտարարել է, որ տեղի է ունեցել «նենգ հարձակում» էլեկտրաէներգիայի ենթակառուցվածքի վրա։ Հազարավոր մարդիկ վտանգի տակ են հայտնվել, ընդգծել է պաշտոնյան։
Միջադեպը կարող է կապված լինել բնապահպան ակտիվիստների բողոքի ակցիաների հետ. անցած շաբաթ նրանք ճամբար են հիմնել գործարանի հարևանությամբ գտնվող անտառում և «Կանգնեցնե՛լ Tesla-ին» կարգախոսով բողոքում են արտադրության ընդլայնման դեմ, որը կարող է հանգեցնել ծառահատման։
