14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Արդյո՞ք Ռոբերտ Քոչարյանը Հայաստանում է, իսկ որևէ մեկը տեսե՞լ է 2-րդ նախագահին․ Արա Պապյան․ ՏԵՍԱՆՅՈՒԹ
Քաղաքականություն
15.08.2018 | 14:41
ՀՀ Սահմանադրությունն ասում է, որ Հանրապետության նախագահն անձեռնմխելի է, բայց սա վերաբերում է նրա պաշտոնավարության ընթացքին, և այստեղ կա նախապայման՝ Ռոբերտ Քոչարյանն արդեն նախագահ չէ, և, հետևաբար, շփոթ կա․ նրա անձեռնմխելիությունը խառնում են դիվանագիտական անձեռնմխելիության հետ, որը սահմանում է, որ դիվանագետը ենթակա չէ քրեական կամ քաղաքացիական պատասխանատվության։
Այս մասին այսօր հրավիրված մամուլի ասուլիսի ժամանակ ասաց «Մոդուս Վիվենդի» կենտրոնի ղեկավար Արա Պապյանը։
Վերջինս նշեց, որ ՀՔԾ-ն Ռոբերտ Քոչարյանին մեղադրանք առաջադրելիս շտապեց և առաջադրեց այնպիսի մեղադրանք, որը դժվար ապացուցելի է, մինչդեռ նրան կարելի էր պատասխանատվության ենթարկել այլ հոդվածով։
«Կարելի էր այլ մեղադրանք ներկայացնել և, կարծում եմ, դա կլինի, ապօրինի հարստացման վերաբերյալ։ Ապօրինի հարսացումը դեմ է եղել նրա կարգավիճակին։ Բավականին շատ թվով առաջին դեմքեր կան, որոնք այդ հոդվածով բանտում են այսօր»,-ասաց Արա Պապյանը։
Խոսելով 2-րդ նախագահի՝ տապալված ասուլիսի մասին՝ Արա Պապյանը նկատեց, որ Ռոբերտ Քոչարյանի ասուլիսի տապալումը սխալ է համարում, քանի որ Քոչարյանն այն մարդկանցից չէ, որ մենակ խորտակվի և կարող էր անուններ տալ։
«Մոդուս Վիվենդի» կենտրոնի ղեկավարը նաև նշեց, որ երեկվանից լսում է հարցադրումներ, իսկ արդյո՞ք Ռոբերտ Քոչարյանը Հայաստանում է և որևէ մեկը տեսել է 2-րդ նախագահին։
Մանրամասները՝ տեսանյութում։
