14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«Ամենամեծ մտահոգությունն այն է, թե որտեղից է հարվածը լինելու». Ալեն Սիմոնյանը՝ պայմանավորված էսկալացիայի հավանականության մասին
Քաղաքականություն
29.02.2024 | 18:12
Ալեն Սիմոնյանն այսօր լրագրողների հետ զրույցում չբացառեց, որ Ղարաբաղյան պատերազմում 2020 թվականի լայնածավալ ռազմական գործողությունները պայմանավորվածություն են եղել Ռուսաստանի և Թուրքիայի միջև։
Հարցին՝ արդյո՞ք հիմա էլ կա մտահոգություն, որ պայմանավորված էսկալացիա կլինի, Սիմոնյանը դրական պատասխան տվեց․
«Այո, Դուք մտահոգվա՞ծ չեք։ Իհարկե, մտահոգված ենք։ Մեր ամենամեծ մտահոգությունը՝ թե որտեղից է հարվածը լինելու, և ակնհայտ է՝ այդ հարվածն արվում է Ադրբեջանի ձեռքերով և ուղղված է մեր ինքնիշխանության դեմ»։ Ըստ ԱԺ նախագահի՝ ակնհայտ է, որ ՀԱՊԿ-ը որպես անվտանգային համակարգ ՀՀ-ի համար չի գործում։
«Հիմա մենք փորձում ենք զենք գնել բոլոր հնարավոր տեղերից մեր պետությունը պաշտպանելու համար։ Եթե դա ինչ-որ անվտանգային համակարգին խանգարում է, դա իրենց խնդիրն է, իրենք իրենց պարտավորությունները, ակնհայտ է, որ չեն կատարել»։
