20.05.2024 | 14:50
Արմեն Գրիգորյանը ցավակցական հեռագիր է հղել Իրանի ազգային անվտանգության գերագույն խորհրդի քարտուղար պարոն Ալի Աքբար Ահմադիանին
Պուտինը հայտարարել է, թե Արևմուտքը ՌԴ-ին սպառազինությունների մրցավազքի մեջ է ներքաշում
29.02.2024 | 16:37
Ռուսաստանի նախագահ Վլադիմիր Պուտինը մեղադրել է Արևմուտքին ՌԴ-ին սպառազինությունների մրցավազքի մեջ ներքաշելու և դրանով իսկ երկիրը հյուծելու փորձի մեջ։ Դաշնային ժողովին ուղղված ամենամյա ուղերձում Պուտինն ասել է, որ Ռուսաստանը պետք է զարգացնի պաշտպանական արդյունաբերական համալիրը և մեծացնի իր գիտական ու տեխնոլոգիական ներուժը, փոխանցում է DW-ի ռուսական ծառայությունը։
Պուտինի խոսքով՝ ՌԴ-ն պատրաստ է ԱՄՆ-ի հետ երկխոսության ռազմավարական կայունության հարցերի շուրջ։ Միաժամանակ, նա Վաշինգտոնին մեղադրել է նախագահական ընտրությունների նախաշեմին «դեմագոգիայի և Ռուսաստանի նկատմամբ «բաց թշնամական գործողությունների»» մեջ։ Ըստ Պուտինի՝ «ԱՄՆ-ը ցանկանում է ցույց տալ, որ դեռ կառավարում է աշխարհը և կարող է համաձայնության գալ ռուսների հետ այնտեղ, որտեղ իրենց պետք է»:
Նա նաև պատասխանել է Արևմուտքի մեղադրանքներին, որ Ռուսաստանը մտադիր է տիեզերքում միջուկային զենք տեղակայել՝ դա անվանելով «անհիմն»: Պուտինը հայտարարել է արևմտյան ուղղությամբ Ռուսաստանի զինված ուժերը լրջորեն ուժեղացնելու պլանների մասին՝ ՆԱՏՕ-ին Շվեդիայի և Ֆինլանդիայի միանալու ֆոնին։
Ըստ Պուտինի՝ արևմտյան երկրներն են հրահրել հակամարտությունն Ուկրաինայում, Մերձավոր Արևելքում: Նա «անհեթեթություն» է անվանել հայտարարությունները, թե Ռուսաստանը պատրաստվում է հարձակվել Եվրոպայի վրա։
ՌԴ նախագահը նաև մեղադրել է ԱՄՆ-ին, որ իր գործողությունները «գործնականում հանգեցրել են միջազգային անվտանգության համակարգի ապամոնտաժմանը»:
«Սա շատ վտանգավոր իրավիճակ է, Եվրասիայում անհրաժեշտ է անվտանգության նոր համակարգ ձևավորել, մենք պատրաստ ենք քննարկել բոլոր շահագրգիռ կողմերի հետ»,- ասել է նա՝ հավելելով, որ որ «անվտանգությունն անհնար է առանց ինքնիշխան, ուժեղ Ռուսաստանի»։
Ելույթում Պուտինը նաև խոսել է «ռազմավարական միջուկային ուժերի երաշխավորված օգտագործման պատրաստակամության մասին»։
