24.06.2026 | 12:03
Ալիևը Հայաստանին մեղադրել է իսլամական կրոնական և մշակութային հուշարձանները «ոչնչացնելու» մեջ
Ուկրաինայի ԶՈՒ-ն հայտնել է ռուսական զորքերի կուտակման վայրին հարվածելու մասին
Քաղաքականություն
29.02.2024 | 16:00
Ուկրաինայի Զինված ուժերի գլխավոր շտաբը հայտնել է Դոնեցկի մարզի Վոլնովախա շրջանի Օլենովկայում ռուսական զորքերի կենտրոնացման վայրին հրթիռային հարվածի մասին։ Ենթադրվում է, որ զոհվել է 19 ռուս զինվորական, այդ թվում՝ ստորաբաժանման հրամանատարի տեղակալը, ևս 12 մարդ վիրավորվել է, այդ թվում՝ հրամանատարը, գրում է Current Time-ը։
Փետրվարի 28-ի երեկոյան հարվածի մասին առաջինը հայտնել են մի քանի բլոգերներ։ «Досье шпиона» Telegram-ալիքը գրել է, որ հարձակման է ենթարկվել 155-րդ ծովային առանձին բրիգադի (զորամաս 30926, Վլադիվոստոկ) անձնակազմը։ Զինծառայողներից մեկը հաստատել է «Важные истории»-ին, որ իր զինակիցներից առնվազն մեկը սպանվել է:
Տասն օրվա ընթացքում սա արդեն երրորդ նման հարձակումն է։ Փետրվարի 20-ին Ուկրաինայի զինված ուժերը Դոնեցկի մարզի Վոլնովախա շրջանի Տրուդովսկոյե գյուղի մոտ HIMARS-ով հարվածել են Անդրբայկալից մոտոհրաձգային ուժերի կազմավորմանը շարային կարզմի ժամանակ։ Մահացել էր առնվազն 68 մարդ։
Փետրվարի 22-ին հարձակման է ենթարկվել Խերսոնի շրջանի Պոդո-Կալինովկա քաղաքում ռուս զինվորականների կենտրոնացված պոլիգոնը։
«Հարավ» օպերատիվ հրամանատարության մամուլի քարտուղար Նատալյա Գումենյուկը պնդում է, որ այդ ժամանակ զոհվել էր մոտ 60 մարդ։
