08.07.2026 | 02:54
ԱԱ-2026. Հայտնի են քառորդ եզրափակիչի բոլոր զույգերը
Էրդողանը հայտարարել է, որ Անկարան աջակցում է Զելենսկիի խաղաղության ծրագրին և պատրաստ է կրկին ռուս-ուկրաինական հանդիպումների հարթակ լինել
Քաղաքականություն
29.02.2024 | 17:31
Թուրքիայի նախագահ Ռեջեփ Թայիփ Էրդողանը Հարավ-Արևելյան Եվրոպա-Ուկրաինա գագաթնաժողովի մասնակիցներին ուղղված տեսաուղերձում ասել է, որ Անկարան պատրաստ է վերականգնել բանակցային գործընթացը, որն ավելի վաղ տեղի էր ունենում Ստամբուլում, և աջակցում է Կիևի խաղաղության ծրագրին։
«Բոլորդ գիտեք, որ Թուրքիան աջակցում է Ուկրաինայի անկախությանը, ինքնիշխանությանը, անվտանգությանը և տարածքային ամբողջականությանը: Մենք բոլոր ջանքերը գործադրում ենք Ղրիմի թաթար հայրենակիցների իրավունքներն ու շահերը պաշտպանելու համար: Մենք նաև պատրաստ ենք նպաստել Ուկրաինայի արագ վերականգնմանը: Թեև մենք թևակոխել ենք պատերազմի երրորդ տարին, և չնայած մեր բոլոր ջանքերին՝ խաղաղության հաստատման ուղղությամբ բավարար առաջընթաց չի գրանցվել։ Ես մնում եմ իմ տեսակետին, որ դիվանագիտությանը և երկխոսությանը պետք է հնարավորություն տրվի պատերազմն ավարտելու արդար և տևական խաղաղությամբ։ Այս նպատակին հասնելու համար շատ կարևոր է ամենաբարձր մակարդակով բոլոր դիվանագիտական ուղիներից օգտվելը։ Կարծում եմ, որ պետք է համատեղ ջանքեր գործադրել, որպեսզի գոնե որոշվեն խաղաղության ընդհանուր պարամետրերը։ Այս առումով մենք սկզբունքորեն աջակցում ենք Ուկրաինայի նախագահ Վլադիմիր Զելենսկիի՝ 10 կետից բաղկացած խաղաղության ծրագրին»,- ասել է Էրդողանը։
«Խաղաղությունը վերականգնելու համար մենք պատրաստ ենք վերականգնել բանակցային գործընթացը, որը նախկինում տեղի է ունեցել Ստամբուլում»,- եզրափակել է Թուրքիայի նախագահը։
