24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Ուկրաինայի ԶՈՒ-ն հայտնել է հերթական Սու-34 ինքնաթիռը խոցելու մասին
Քաղաքականություն
29.02.2024 | 13:30
Ուկրաինայի ԶՈՒ ռազմաօդային ուժերի հրամանատար Նիկոլայ Օլեշչուկը հայտնել է, որ ուկրաինացի զինվորականները խոցել են ևս մեկ Սու-34՝ արևելյան ուղղությամբ։ Սա վերջին երեք օրվա ընթացքում երրորդ Սու-34-ն է, որ խոցփվել է։ Ուկրաինացի զինվորականները հայտնել են երեքշաբթի օրվա ընթացքում խոցված ևս երկու ինքնաթիռների մասին, գրում է BBC-ի ռուսական ծառայությունը։
Ամերիկյան Forbes-ը նախօրեին բացատրել է պատճառները, թե ինչու է վերջին շրջանում կտրուկ ավելացել ռուսական ինքնաթիռների թիվը, որոնք խոցում են Ուկրաինայի զինված ուժերը ճակատում։
Պարբերականը հիշեցնում է, որ վերջին երկու շաբաթվա ընթացքում Ուկրաինայի զինված ուժերը հայտարարել են, որ խոցել են ռուսական 10 ինքնաթիռ, այդ թվում՝ ինը ժամանակակից Սու-35 և Սու-34, A-50 «թռչող ռադար»։ Ռուսական բանակը պաշտոնապես չի հաստատել այս տվյալները։
«Հնարավոր է, որ ուկրաինական ռազմաօդային ուժերն ամերիկյան Patriot կայաններ են փոխանցել շարժական հակաօդային պաշտպանության թիմերին, որոնք ունակ են արագ մոտենալ ճակատային գծին և հարվածել ռուսական ինքնաթիռներին PAC-2 հրթիռներով: Հետո նրանք արագ փոխում են դիրքը եւ այդպիսով խուսափում են հակագրոհներից»,- ասվում է Forbes-ի հրապարակման մեջ։
Նշվում է նաև, որ ուկրաինացի զինվորականները հստակորեն վերաուղղել են իրենց NASAMS հակաօդային պաշտպանության կայանքներն առաջնագծին ավելի մոտ:
Այս իրավիճակում Ուկրաինայի զինված ուժերի համար ռիսկն այն է, որ Patriot-ը և NASAMS-ն օգտագործում են ամերիկյան արտադրության հրթիռներ, իսկ ԱՄՆ-ն Ուկրաինային ոչ մի զինամթերք չի տրամադրել անցյալ տարվա դեկտեմբերին, ասվում է հրապարակման մեջ։
