23.02.2026 | 11:33
Մեքսիկայում անկարգություններ են սկսվել ազդեցիկ թմրաբարոնի վնասազերծումից հետո
ՀՀ-Թուրքիա կարգավորման գործընթացի սաբոտաժի փորձեր կան․ Էրդողանի կուսակցության խոսնակ
Քաղաքականություն
27.02.2024 | 15:34
Թուրքիայի նախագահ Ռեջեփ Թայիփ Էրդողանի ղեկավարած իշխող «Արադարություն և զարգացում» կուսակցության մամուլի խոսնակ Օմեր Չելիքը նախօրեին հրավիրված ասուլիսում խոսել է նաև Հայաստանի հետ հարաբերությունների կարգավորման գործընթացից, գրում է Sabah-ը։
Չելիքն ասել է, որ Անկարան փորձում է դինամիկ, Ադրբեջանի հետ ներդաշնակ համաձայնությամբ առաջ տանել Հայաստանի հետ հարաբերությունների կարգավորման գործընթացը, և որ այդ գործընթացը «սաբոտաժի ենթարկելու որոշակի փորձեր կանվ։ Ըստ թուրք պաշտոնյայի՝ իրենք տեսնում են Հայաստանի կամքը «նորմալացում իրականացնելու՝ սեփական բարեկեցության շրջանակում»։
Միաժամանակ, ըստ Չելիքի, արևմտյան որոշ պետություններ, իբր, փորձում են սաբոտաժ անել, իսկ հայկական սփյուռքին մեղադրել է նման գործողություններում։
«Այստեղ մեր դիրքորոշումն այն է, որ ինչ էլ լինի՝ եթե ագրեսիան դադարեցվի տարածաշրջանում, նորմալացում կլինի, և այդ մեխանիզմները պետք է ստեղծվեն այնպես, որ նպաստեն տարածաշրջանում ընդհանուր խաղաղությանը։ Մենք կշարունակենք խստորեն աջակցել այստեղ խաղաղ դիվանագիտությանը»,- ասել է Էրդողանի կուսակցության խոսնակը։
