29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թուրքիա Պուտինի այց մինչև ՌԴ նախագահի ընտրությունները չի սպասվում
Քաղաքականություն
26.02.2024 | 16:07
Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպման նախապատրաստական աշխատանքները շարունակվում են, սակայն ՌԴ-ում մարտին կայանալիք ընտրություններից առաջ Թուրքիա այց չի նախատեսվում։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Մինչ ընտրությունները՝ ոչ։ Ընտրություններից առաջ գրաֆիկը դեռ բավականին խիտ է, ՌԴ նախագահը բավականին զբաղված է։ Էրդողանի մոտ էլ լարված է։ Բայց ամենաբարձր մակարդակով շփումների նախապատրաստություններ են ընթանում, այդ մասին մենք բազմիցս հայտարարել ենք։ Այդ շփումները տեղի կունենան այն ժամանակ, երբ ժամկետը լավագույնս կհամապատասխանի երկու նախագահների ժամանակացույցին»,- ասել է Պեսկովը։
Հավելենք, որ ռուսական և թուրքական դիվանագիտական աղբյուրներն ու միջազգային լրատվամիջոցները հայտնում էին, որ Պուտինի այցը Թուրքիա տեղի է ունենալու փետրվարի 12-ին։ Այն, որ այցը լինելու է փետրվարին, հայտնել էր նաև ՌԴ նախագահի արտաքին հարաբերությունների հարցերով օգնական Յուրի Ուշակովը։ Այցի հետաձգման պատճառը հայտնի չէ։
