Քաղաքականություն
26.02.2024 | 18:26
Փետրվարի 26-ի առավոտյան Միջերկրական ծովում՝ Սիցիլիայի ափերի մոտ մեկնարկել են ՆԱՏՕ-ի ռազմածովային ուժերի զորավարժությունները, հայտնում է ՆԱՏՕ-ի ծովային հրամանատարությունը։
Նշվում է, որ Dynamic Manta ամենամյա ծովային վարժանքներին կմասնակցեն Թուրքիայի, Կանադայի, Ֆրանսիայի, Գերմանիայի, Հունաստանի, Իտալիայի, Իսպանիայի, Մեծ Բրիտանիայի և ԱՄՆ-ի զինվորականներն ու նավերը։
Զորավարժություններին մասնակցում է յոթ սուզանավ, մի քանի վերգետնյա նավեր, ինչպես նաև ՆԱՏՕ-ի անդամ երկրների ինքնաթիռներ։
Վարժանքների ընթացքում հիմնական ուշադրությունը հատկացվում է հակասուզանավային պատերազմի հնարավորությունների կատարելագործմանը և ռազմածովային առաքելությունների արդյունավետության բարձրացումը:
