07.10.2026 | 23:48
Արթուր Դանիելյանը կալանավորվեց
Ադրբեջանը նախորդ տարի առնվազն 260 զինծառայողի կորուստ է ունեցել
22.02.2024 | 13:41
Կասպյան պաշտպանական հետազոտությունների ինստիտուտը հրապարակել է 2023 թվականին Ադրբեջանի անվտանգության և պաշտպանության ոլորտի մոնիթորինգի արդյունքները։ Հաղորդվում է, որ Ադրբեջանի ԶՈՒ-ն առնվազն 260 զինծառայողի կորուստ է ունեցել։ Նրանցից 212-ը մարտական կորուստներ են, 48-ը՝ ոչ մարտական։
«Ընդհանուր առմամբ, հայկական գնդակներից մահացել է 208 մարդ, ականների պայթյունից՝ 4 մարդ, ճանապարհատրանսպորտային պատահարներից կամ տարբեր ավտովթարներից՝ 8 հոգի, տարբեր հիվանդություններից՝ 9-ը, անօրինական միջադեպերից՝ 2, զինված հարձակումներից՝ 2 մարդ, 1 հոգի մահացել է անզգուշությունից, 6 մարդ՝ դժբախտ պատահարներից։ Եվս 20 զինվոր ինքնասպան է եղել»,- ասվում է զեկույցում։
Կազմակերպությունը հայտնում է, որ զոհվածներից 228-ը պաշտպանության նախարարությունից են, 9-ը՝ պետական սահմանային ծառայությունից, 3-ը՝ արտակարգ իրավիճակների նախարարությունից, 17-ը՝ ներքին զորքերից, 1-ը՝ ռազմավարական օբյեկտների պահպանության տնօրինությունից, 1-ը՝ արդարադատության նախարարության, 1-ը՝ զարգացման և տրանսպորտի նախարարության ռազմական անվտանգության տնօրինության աշխատակիցները։
Նշվում է, որ դեպքերի մեծ մասը տեղի է ունեցել Արցախում, ինչպես նաև Հայաստան-Ադրբեջան սահմանին։
Զեկույցում նաև ասվում է, նախորդ տարի տարբեր պատճառներով առնվազն 536 զինծառայող է վիրավորվել։
Հավելենք, որ ինստիտուտն ավելի վաղ հայտնել էր, որ 2023 թվականի 11 ամիսների ընթացքում Ադրբեջանի անվտանգության և պաշտպանության ոլորտի անդառնալի կորուստները կազմել են 258 մարդ՝ մարտական պայմաններում զոհվել էր նրանցից 212-ը, մնացած 46 կորուստները մարտական չեն եղել։
Էմմա Չոբանյան
