09.04.2026 | 23:32
Պուտինը հայտարարել է «զատկական հրադադար»
Սանկտ Պետերբուրգում Նավալնիի հիշատակին ծաղիկներ դնելու համար բերման ենթարկվածներին զինկոմիսարիատի ծանուցագրեր են տալիս
Քաղաքականություն
21.02.2024 | 22:32
Սանկտ Պետերբուրգի ոստիկանությունը սկսել է զինվորական հաշվառման և զինկոմիսարիատի ծանուցագրեր ուղարկել տեղի բնակիչներին, որոնք ձերբակալվել են Ալեքսեյ Նավալնիի հիշատակին նվիրված ցույցերին մասնակցելու համար: Այս մասին առաջինը հայտնել է «Идите лесом» նախագիծը։
Աղբյուրի համաձայն՝ փետրվարի 19-ին ծանուցագիր է փոխանցվել 38-ամյա մի տղամարդու, որը բերման է ենթարկվել Նավալնիի հիշատակին կազմակերպված հանրահավաքի ժամանակ, ապա ազատ է արձակվել, գրում է Մեդուզան։
Ոստիկանությունը ծանուցումներ է հանձնել առնվազն յոթ տղամարդու։ Լենինգրադի շրջանի ժամանակավոր մեկուսարանում գտնվող մեկ ձերբակալվածի ծանուցագիրը տուն են տարել, այն ստացել է նրա կինը։ Եվս վեց ծանուցագիր հանձնվել է Սանկտ Պետերբուրգի բնակիչներին, որոնք վարչական ձերբակալությունից հետո ազատ են արձակվել Մոսկովսկի պողոտայի ժամանակավոր մեկուսարանից:
Ծանուցագրերում քաղաքացիներին հրավիրում են գալ զինկոմիսարիատ՝ տվյալների հստակեցման ու հաշվառման կանգնելու համար։
