07.11.2026 | 23:25
Նիկոլ Փաշինյանը իր կործանարար քաղաքականությամբ միավորեց ամբողջ ընդդիմությանը. Լևոն Զուրաբյան. ՏԵՍԱՆՅՈՒԹ
ԱՄՆ-ն ուկրաինական պատերազմի 2-րդ տարելիցի կապակցությամբ ՌԴ-ի դեմ նոր պատժամիջոցներ կսահմանի
Քաղաքականություն
21.02.2024 | 13:10
ԱՄՆ նախագահ Ջո Բայդենը հայտարարել է, որ ԱՄՆ-ն ուրբաթ՝ փետրվարի 23-ին կհայտարարի Ռուսաստանի դեմ պատժամիջոցների մեծ փաթեթի մասին՝ կապված Ուկրաինայի պատերազմի երկրորդ տարելիցի և Ալեքսեյ Նավալնիի մահվան հետ։ Պատժամիջոցները կազդեն պաշտպանական արդյունաբերության ոլորտի վրա, նաև ուղղված կլինեն Ռուսաստանի տնտեսության եկամտի աղբյուրներին, ասել է Սպիտակ տան ազգային անվտանգության հարցերով խորհրդական Ջեյք Սալիվանը։
Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին էլ նշել է, որ նոր փաթեթը «Ռուսաստանին պատասխանատվության կենթարկի Նավալնիի հետ կատարվածի» և ուկրաինական պատերազմի ժամանակ նրա գործողությունների համար։ Reuters-ի փոխանցմամբ՝ ամերիկացի բարձրաստիճան պաշտոնյան ասել է, որ ի պատասխան Նավալնիի մահվան՝ Վաշինգտոնը կվերանայի և կլրացնի ռուսական ներխուժման երկրորդ տարելիցի համար պատրաստված պատժամիջոցների փաթեթը։
ԱՄՆ գանձապետարանի հակաահաբեկչական հարցերով փոխնախարար Բրայան Նելսոնն այս շաբաթ Եվրոպա կատարած այցի ժամանակ կքննարկի Նավալնիի մահվան հետ կապված պատժամիջոցները, Reuters-ին հայտնել են խնդրին ծանոթ երկու աղբյուրներ։
