15.01.2026 | 16:07
Ձերբակալվել են ՊԵԿ-ում ղեկավար պաշտոն զբաղեցնող անձինք. նրանք մեղադրվում են իշխանական լիազորությունները չարաշահելու համար
ԵՄ-ն Մոսկվայից պահանջել է թույլ տալ Նավալնիի մահվան անկախ հետաքննություն և անհապաղ նրա մարմինը հանձնել ընտանիքին
Քաղաքականություն
21.02.2024 | 13:56
Եվրամիությունը կանչել է Բրյուսելում ՌԴ առաքելության գործերի ժամանակավոր հավատարմատար Կիրիլ Լոգվինովին՝ բանտում ընդդիմադիր գործիչ Ալեքսեյ Նավալնիի մահվան կապակցությամբ։ BBC-ի ռուսական ծառայության փոխանցմամբ՝ այս մասին հայտնել է ԵՄ դիվանագիտական ծառայությունը։
ԵՄ Արևելյան Եվրոպայի, Ռուսաստանի և Կենտրոնական Ասիայի հարցերով կառավարիչ Մայքլ Զիբերտը կոչ է արել Ռուսաստանին թույլ տալ անկախ և թափանցիկ միջազգային հետաքննություն Ալեքսեյ Նավալնիի հանկարծակի մահվան հանգամանքների վերաբերյալ և առանց հետաձգման նրա մարմինը հանձնել ընտանիքին։
Ավելի վաղ էլ ԵՄ արտաքին քաղաքականության ղեկավար Ժոզեպ Բորելն էր հայտարարել, որ Եվրամիությունը կարծում է, որ Ռուսաստանը պետք է թույլ տա Ալեքսեյ Նավալնիի մահվան հանգամանքների միջազգային և թափանցիկ հետաքննություն։ Նման հայտարարություն էր տարածվել ԵՄ ԱԳ նախարարների հանդիպման արդյունքներով, որին հրավիրված էր նաև Նավալնիի այրին։
Ալեքսեյ Նավալնիի մահվան մասին հայտարարվեց փետրվարի 16-ին։ Շաբաթ առավոտյան քաղաքական գործչի մայրը ժամանել է Յամալ-Նենեցկի ինքնավար օկրուգի Խարպ գյուղ: Նրան դիահերձարան չեն թողել ո՛չ շաբաթ, ո՛չ երկուշաբթի:
«Քննիչները Ալեքսեյի փաստաբաններին և մորն ասել են, որ չեն հանձնի դիակը։ Եվս 14 օր քիմիական փորձաքննություն կիրականացվի»,- նշել են Նավալնիի գործընկերները։
