11.12.2024 | 22:37
ԱՄՆ-ը կարող է «իրանական» պատժամիջոցներ կիրառել ռուսական նավթի դեմ
ԱՄՆ-ի կողմից կիրառվող պատժամիջոցներից կտուժի նաև Հայաստանը․ Սուրեն Սարգսյանը՝ Վաշինգտոնի վարած քաղաքականության մասին․ ՏԵՍԱՆՅՈՒԹ
13.08.2018 | 14:03
Թուրք-ամերիկյան հարաբերությունները բավականին լարված են և այս պահին հասել են շատ ցածր մակարդակի, ինչի հետևանքով թուրքական լիրայի արժեզրկումը թուրքական տնտեսության մեջ կբերի նոր զարգացումների։
«Դա է պատճառը, որ ԱՄՆ-ն տարածաշրջանում փորձում է այլ դաշնակիցներ գտնել, փորձում է խորացնել հարաբերությունները Վրաստանի և Ադրբեջանի հետ՝ հասկանալով, որ Թուրքիայի վրա այս պահին հույս դնել չի կարող։ ԱՄՆ-ն պետք է ճանապարհ գտնի իր զորքը Աֆղանստան տեղափոխելու համար, իսկ այդ առումով Ադրբեջանը հաբ է, որը ԱՄՆ-ն օգտագործում է բոլոր առումներով»,-այս մասին այսօր հրավիրված մամուլի ասուլիսի ժամանակ ասաց քաղաքագետ Սուրեն Սարգսյանը՝ նշելով, որ ԱՄՆ-ի կողմից Թուրքիայի և Իրանի նկատմամբ կիրառված պատժամիջոցները հարվածներ կհասցնեն նաև մեր տնտեսությանը։
«Իրանի նկատմամբ պատժամիջոցները մեզ հարվածելու են էներգետիկ համագործակցության տեսանկյունից։ Սա նշանակում է, որ շատ շուտով ՀՀ-ի էներգետիկ համագործակցությունը վերանայման կարիք կունենա։ Պատժամիջոցների տակ հայտնվելու են անգամ իրանական արտադրության գորգերը և, փաստորեն, նաև առևտուրն է հայտնվելու պատժամիջոցների տակ»,-ասաց քաղաքագետը՝ ընդգծելով, որ վերջին 25 տարիների ընթացքում ԱՄՆ-ն երբեք մեզ չի դրել այնպիսի վիճակում, որ հայկական կողմը ստիպված լինի սահմանափակել Իրանի հետ իր տնտեսական հարաբերություններն, ինչն անում է այժմ։
Ըստ քաղաքագետի՝ ՀՀ-ն պետք է բարեփոխումների գործընթաց սկսի, քանի որ մեկ տարուց ՀՀ-ին գնահատական են տալու, որը չի լինելու միայն հիմնված հեղափոխության փաստի վրա․ «ՀՀ-ն միջազգային կառույցների խոշորացույցի տակ է»,-ասաց նա։
Մանրամասները՝ տեսանյութում։
