19.05.2024 | 23:02
Գերմանիան և Ֆրանսիան «անհանգստացած են» Վրաստանում ստեղծված իրավիճակով
Ադրբեջանի ԶՈՒ-ն C-300 համակարգերով ՀՕՊ ստորաբաժանումների զորավարժություններ է անցկացրել
Քաղաքականություն
19.02.2024 | 22:14
Ադրբեջանի ԶՈՒ-ում ՀՕՊ ստորաբաժանումները զորավարժություններ են անցկացրել։ Տեղական լրատվամիջոցների հաղորդմամբ՝ պաշտպանության նախարար Զաքիր Հասանովի կողմից հաստատված այս տարվա նախապատրաստական պլանի համաձայն՝ զորավարժություններ են անցկացվել հակաօդային պաշտպանության ստորաբաժանումների անձնակազմի հետ։
«Զորավարժությունների ընթացքում C-300 «Ֆավորիտ» զենիթահրթիռային համակարգերի ստորաբաժանումների մարտական անձնակազմերը կատարում են տեխնիկան մարտական պատրաստության բերելու, օբյեկտներն օդային հարձակումից պաշտպանելու, պայմանական հակառակորդի հրթիռային հարձակումները հետ մղելու, ինչպես նաև այլ առաջադրանքներ»,- ասվում է հաղորդագրության մեջ։
Ըստ հայտարարության՝ վարժանքների անցկացման հիմնական նպատակը զինծառայողների տեսական գիտելիքների և գործնական հմտությունների բարձրացումն է, ինչպես նաև հակաօդային պաշտպանության ստորաբաժանումների մարտունակության բարձր մակարդակի պահպանումը։
